“Turismoaren negozioari ez” lemapean, Zarautzen manifestazioa egin dute herriaren turistifikazioaren kontra. Urola Kostako Kontseilu Sozialista eta Etxebizitza Sindikatua ziren antolatzaileak. Agerraldiak adin guzietako jendea bildu du. Bertan, hainbat izan dira salatuak izan diren gaiak, horien artean, azken urteetan etxe turistikoen prezio emendatzea (+%181,8). Ondorioz etxebizitzen merkatuan eragina badu.

Komunikabideek gertatu suteen irudi beldurgarriak hedatu dituzte. Suteak piztu dira han-hemenka larritasun beldurgarriarekin.

Nafarroako lurralde osoan, laborantzako, oihangintzako eta beste edozein motatako jarduerak ez egitearen agindua zabaldu da. Baldin eta suak, makinak edota tresnak erabiltzea debekatua da, horien funtzionamenduak piztu bailituzke pindar edo deskarga elektrikoak. Laborarien sindikatuak erabakia saminki kritikatu du. Salatu dute uzta garaian, laborarien abisurik galdatu gabe neurri zorrotzak plantan jartzea.

Juan Paredes Manot Txiki eta Angel Otaegi 1975ean frankismo krudelaren garaian fusilatu zituztela oroitzeko, Sortuk “memoria ekitaldia” antolatu du. Arkaitz Rodriguez alderdiaren idazkari nagusiak adierazi du: “uste dut gaur egun sekula baino arrazoi gehiago dagoela borroka egiteko. Txiki eta Otaegi militante antifaxistak ziren, Europan izan den diktadura gogorrenetako baten aurka borrokatu ziren”.

Aldiz Txiki eta Otaegiren erailketaz, Alberto Alonso, Gogora institutuko zuzendariak deklarazio polemikoak egin ditu, erreakzio saminak eraginez. “ETA politiko-militarreko kideek indarkeria, beldurra eta terrorea erabili zuten eta beraz ez dira demokraziaren etorrera aldarrikatzen zuten ehunka eta milaka...

Duela 50 urteko fusilamenduetatik egungo independentziarako bidera, Ernai gazte mugimenduak ehunka gazte bildu ditu. “Ekin eta bultza askatasunera” lelopean irailaren 14an iraganen den mobilizaziora deitu du. Ernaik oroitarazi du: “Mende erdia laster beteko da Jon Manot Paredes “Txiki” eta Anjel Otaegi ETAko militanteak fusilatu zituztenetik, testuingurua denen ahotan da eta gazteen gogoan ere bai. Diktadura faxistaren alde gogorrenetan urrats bat aurrera egin eta beste milaka bezala, Euskal Herriaren askatasunaren alde borrokara batu ziren bi gazte izan ziren”.

Euskadin eta Nafarroan hainbat elkartek ekintzak antolatu dituzte Palestinari laguntza adierazteko. Global Sumud ontzidiak Gazara joateko helburua du. Israelek jarritako blokeoaren kontra laguntza humanitarioari ekarri nahi da. Hainbat herrialdetako ekintzaileek antolatu nazioarteko ekimena da. Euskadiko eta Nafarroako 50 bat sozial mugimenduk babesa helarazi diote Global Sumud ontzidiari. Zehazki, 44 herrialdetako pertsonek osatutako ekimena Gazan ezarritako blokeoa hausten saiatuko da. Horretarako, agorrilean 31n Bartzelonatik hainbat itsasontzi abiatu dira. Horietan euskal kolektiboetako lau pertsona ontziratuko dira. Bilbotik eta Donostiatik bi autobus joan dira, Gasteiz eta Iruñean geldialdia egin eta. Helburua itsas korridore humanitarioa irekitzen saiatzea da, ahalik eta laguntza humanitario gehien sar dadin, Gazan diren eta herrialdetik alde egiteko beharra duten pertsona guziak atera daitezen....

Urtero bezala, Sare euskal presoen aldeko mugimenduak Donostiako Aste Nagusian manifestatu du, “euskal preso, iheslari eta deportatuak etxeratzea” eskatzeko. Azken urtean lortu diren aurrerapausoak azpimarratuak izan dira, baina oraindik bide luzea dagoela egiteko gaineratu da. Bestalde Bilbon Konpartsek antolatuta, “Israel egiten ari den genozidioa” salatu dute dozenaka lagunek. Sirena hotsarekin batera osatu dute mosaikoa eta Bizkaiko hiriburuak “Palestinarekin bat” egiten duela adierazi diete erakunde, alderdi eta enpresei.