Pantzo Man Show

Ikuskizun hau iraganen da ostiral huntan, azaroaren 14an, Atharriko Gaztetxean (20:00). Baina jadanik 19:00etarik goiti hartzen ahalko da tokian berean janari eta edari gau goxoa pasatzeko.

Ekitaldi hau antolatzen du Arrokagarai ikastolak. Sartzea 10€.

Sehaska hustea

San Josep eskolak eta Ikasleen Buraso Elkarteak sehaska hustea antolatzen dute igande huntan, azaroaren 16an (9:00-17:00), Atharri ezkerparetan.

Hor aurkitzen ahalko dira haur eta nini jantziak, haurtzaintza muntadurak, jostailuak. Izanen da ere egun osoan talo eta edari gosea eta egarria tronpatzeko.

Argibideak eta erreserbak: 07-82-98-56-64 edo apel@sanjosepitsasu.com.

Adinetakoen bazkaria

65 urtetik gorako itsasuar guziei eskaintzen zaien GEUZaren bazkaria azaroaren 29an iraganen da, larunbatez (12:00), Sanoki gelan.

Izenak eman behar dira azaroaren 26a barne, edo Herriko Etxeko idazkaritzara edo zuzenean Idekia elkarteari. Elkartasun garraio bolondresak libro dira joan-etorria segurtatzeko behar dutenentzat.

Eñaut Elorrieta kantari

Bai! Oraindanik atxiki behar den hitzordua: Eñaut Elorrietak kantaldia eskainiko du abenduaren 21ean, igandez (17:00), Itsasuko elizan.

Tokiak aitzinera atxiki daitezke helloasso.com webgunean 12€-tan, edo tokian berean ere hartzen ahalko dira kantaldi egunean 15€-tan; 5€ 12 urtez azpitiko gaztetxoentzat.

Kantaldi hau antolatzen du ere Arrokagarai ikastolak.