Azaroaren 15ean, Makean, Palestinaren alde mintzaldiak, merkatua, arte obra erakusketa-salmenta eta kontzertuak egun osoan iraganen dira.

Eguna mintzaldi batekin hasiko da (10:30), gaia delarik: “Palestinar herriaren erresistentzien oihartzunak. Israelen proiektu kolonial eta genozidioari aurre egiteko borrokak”. Hizlariak: Salah Hamouri abokatu franko-palestinarra, Sarah Katz Bakerako Judu Frantses Batasuneko (UJFP) kidea eta Mays Qaisi palestinar errefuxiatua.

Bazkaldu aitzin, Ibantuta eta Bashar Zeinen musikariek kontzertua eskainiko dute. Bazkariarentzat ez da aitzin izenik emaiten ahal (13€).

Arratsaldean, lau hitzaldi izanen dira. Bi hitzaldi batean iraganen dira (15:30-17:00): “Laborari palestinarrak, Israelen jomugan”, Palestinako laborarien erresistentzia aipagai izanen da. Memento berean “Frantzian eta Ipar Euskal Herrian, Palestinarentzat elkartasunaren kontrako errepresioari aurre egin” hitzaldia.

Ondotik (17:30-19:00), beste bi hitzaldi tematiko, “Sionisten kolonialismoak baditu milaka aurpegi” eta “Boikota: lekuko konplizeak jomugan, Israel kolpatzeko. Euskal Herriko zenbait kanpaina eta garaipen”.

Aurten, haurrentzat egitarau berezia prestatua izan da. “Utopiaren antzerkia” izendatu antzerki tailerrean haurrek parte hartzen ahalko dute, ondotik irakurketa eta liburu-keta proposatua izanen zaie eta arratsaldean joko eta tailer artistikoak.

Eguna kontzertu batekin bururatuko da, Mikel Urdangarin, Skalpel rap-laria, Andoaineko Gailu eta On taldeak entzungai izanen dira.