Empleo Egunak - Mugaz Gaindiko Informazio Jardunaldiak azaroaren 17an (9:30-17:00) eta 18an (9:30-14:00) izanen dira Akitania Berria-Euskadi-Nafarroa Euroeskualdearen egoitzan Hendaian.

Pirinio Atlantikoetan bizi eta Euskadin edo Nafarroan (edo alderantziz) lan egiten dutenei, mugaz gaindiko langileak kontratatzen dituztenei, ondoko herrialdean bizitzea edo lan egitea pentsatzen dutenei zuzenduak dira jardunaldi hauek.

Hitzordua hartu behar da (www.smartagenda.fr) banakako elkarrizketetan administrazio eskudunei zuzenean galderak egiteko eta funtsezko gaiei buruzko informazioa lortzeko: osasun-asegurua, fiskalitatea, erretiroa, langabezia, enplegu-bilaketa, lan-zuzenbidea, langileen lekualdaketa, gizarte-kotizazioak eta kontratazio-adierazpenak.

Lekua segurtatzeko eta bertan izanen diren administrazioekin dudak argitzeko, hitzordua aitzinetik hartu behar da: empleo-info.eu.