Euskararen urtaroa

Euskararen urtaroa azaroaren 21etik abenduaren 3ra iraganen da Bardozen, eta egitarau ederrari esker, euskaraz gozatzeko parada izanen da gure herrian!

Azaroaren 21ean, ostiralez (19:00), gonbidatuak gara kantu pintxo gauaz gozatzera, Salha jauregiko gelan. Bardozen Kantuzekin eta Watsonekin kantatuko dugu, eta Xarnegu Ikastolako burasoek pintxoak eta edariak proposatuko dizkigute.

Gero azaroaren 26an, asteazkenarekin (10:30), Libreplume elkarteak ipuinak euskaraz kondatuko dizkie haurrei.

Hiru egun berantago, azaroaren 29an, arratsaldea hasiko da jokoekin Salha gazteluan (14:30), eta ondotik Ihitza Parot neuropatak emanen du haurren elikadurari buruzko mintzaldia zineman (18:00).

Biharamun goizean, azaroaren 30ean beraz, haurrak eta burasoak gonbidatuak dira (10:30) Salha gaztelura brunch-a elkarrekin prestatzeko eta gozatzeko. Amaia Castorene sukaldariak animatuko du tailerra.

Eta aurtengo edizioa bukatzeko, abenduaren 3an, asteazkenarekin, yoga haur buraso tailerra izanen da Erdizka gelan (10:30), Oinutsik yoga elkartearekin.

Zatozte denak euskaraz gozatzera!

Antzerkia

Emazteenganako bortizkerien kontrako eguna kari, Bardozeko Herriko Etxeak “Une tortue sur le dos” izeneko antzerki lana proposatzen du zineman, azaroaren 23an (17:00). Ondotik eztabaida izanen da Erran eta bizi elkarteko kide batzuekin.