Aurtengo Korrika, Atharratzetik martxoaren 19an abiatuko da eta Euskal Herri osoa zeharkatuz, Bilbora martxoaren 29an helduko, 2.175km egin ondoan.

Donapaleun lehen egunean berean pasako da (19:30). Usaian bezala, Amikuzeko Gau eskola eta euskalgintzako elkarte eta lagunek, harrera hoberena egiteko lasterketa mitiko horri, hitzordu desberdinak proposatzen dituzte Korrika kulturala kari, hala nola:

- Otsailaren 21ean, ibiakoitzez, raketa ateraldia Iratin, osoki euskaraz. Izena eman behar da otsailaren 18a aitzin: amikuze@korrika.eus.

- Martxoaren 7an, ibiakoitzez, poteo eta kantu bazkaria.

- Martxoaren 16an, astelehenez (19:00), Errigora gaualdia, produktuen jastaketa aperitifarekin.

- Martxoaren 19an, ostegunez, Korrika gaualdia (18:00), jateko, edateko, kontzertu, dantza eta animazio izanen da Airetik gelan.Korrika pantailan segitzeaz bestalde, Gaitamik, Andoni Ollokiegi eta beste hainbat sorpresa prestatzen ari dira.

Xehetasunak ondoko asteetan emanak izanen dira.