Santibate

Santibate giro biziki alaian ospatu da joan den ibiakoitzean, gure herrian. Irulegiko sototik trinketera, trinketetik Herriko Etxeko parke ttipira, gero plazako ostatura eta azkenik, gaualdia ongi segitzeko eta bururatzeko Bixentainera, dena oihu "huaa huaa" eta zalaparta, gaiteroak eta bertsulariak lagun, sekulako giroa sortu dute gazteek, kasik goizalde arte. Heldu den hilabetean, Libertimenduaren aldi!

Zinema euskaraz

Haurrak Bil Etxera gomit dira otsailaren 21ean, ibiakoitz goizez, bi film polliten ikusteko: Wallace eta Gromit (10:00) (30mn) eta Kaixo Frida (11:00) (82mn).

Deneri idekia, sartzea urririk, bi filmen artetik askaria eskainia. Animazio batzordea eta Euskaraz Bizi antolatzaile.

Urdozeko bestak

Hoteleko sukaldeak berriki jasan sutearengatik ere, Urdozeko bestak Manexenean ospatuko dira parte handiz.

Otsailaren 21ean, ibiakotz eguerditan bazkaria. Arratsean, gaualdi musikatua, ogitarteko eta edateko, besta egiteko giro xarmanta.

Otsailaren 22an, igande arratsaldean (15:00), Euskal Herriko mus txapelketaren kondu, Baxe Nafarroako sailkapen partidak. Hobe izenak aitzinetik emaitea: 06-86-59-17-57. Arratsean, talo eta xingar.