Aire Zabal

Parropiaz arduratzen den elkartea dugu Aire Zabal. Duela bi urte aterpetxearen ardura utzi bazuen Herriko Etxearen eskuetan, parropiaren inguruko bertze sailetaz da beti arduratzen, Bestaberri, Amarrain besta (kermeza), eliza barneko apaindurak, organo-joilearen ordaintzea eta beste. Aire Zabalen biltzar nagusia iragan da joan den larunbatean, Xan Lambert elkarteburua eta Mayi Urruty diruzainaren inguruan, berekin zituztela ere besteak beste François-Régis Jasnot apeza eta Jean-Michel Anchordoquy auzapeza. Aipatu dira Bestaberriren berriz agertzea, kermezaren ondorio onak, adin handikoeri Eguberri inguruan egin opariak eta bertze. Positiboan diren konduak ere presentatuak izan dira eta gogoetak eraman, parropia biziarazteko baita beti zer egin.

Gaztaina elkartea

Otsailaren 24an, astearte arrastiriz (19:30), iraganen da Gaztainak elkartearen biltzar nagusia herriko jantegian, Postaren ondoan, Aña-Mari Sabarots eta Gilles Texier ko-lehendakariek kudeaturik.Aipagaietan, orain arte egindakoaren bilana, urteko konduak, 2026ko proiektuak, administrazio kontseiluko kideen berritzea eta beste. Gomendatua da izenak aitzinetik emaitea: 07-67-30-51-94 edo associationgaztaina@gmail.com.