Xuti Gaztek otsailaren 28an Gazte Eguna antolatzen du. Egitarauan, “Militarizazioa Euskal Herrian: mugimendu antimilitaristaren ibilbidea eta egungo erronkak” hitzaldia, Azkaineko Biltoki gelan (11:00). Jean François Lefort “Lof” eta gaur egun “Journée Défense et Citoyenneté” egunean parte hartu berri duen, eta “JDC-ari tiro” dinamikan aktibo den Nahia Etxeberri Lopepe Xuti Gazteko kidea izanen dira hizlari. Ondotik, leku horretan bertan, gazte bazkaria izanen da. Tiketak aitzinetik hartzea gomendatua da, lekuak mugatuak izanen baitira. Arratsaldean, olinpiaden txanda izanen da merkatu estalian, eta bukatzean, poteo alaitua herrian gaindi. Gauari hasiera emateko, ekitaldi laburra eginen da, eta ondotik, kontzertuen aldi izanen da Ganibet, Bad Sound DJ Set eta DJ Tostakis taldeekin.

Gazte Eguna Gazteok Euskal Herria lemapean antolatua da. Huna zer dioten antolatzaileek: “Garai huntako testuingurua gorabeheratsuan, eskuin muturra presentzia geroz eta handiagoa hartzen ari denean, mundu mailan eta Euskal Herrian, gazteok elkartzeko behar handia dugu. Ipar Euskal Herriko gazteok Macron buru duen frantses estatuaren zapalkuntzazko neurriak pairatzen ditugu, oro har, gure herriaren ukapenean berretsi nahi direnen politikak. Otsailaren 28an, gazteok Euskal Herri duina aldarrikatuko dugu Azkainen. Gurea Euskal Herri euskaldun, burujabe, ezkertiar, feminista eta antifaxista delako; gazteok Euskal Herriaren aldeko borroka dugulako ipar”.

Gomita luzatzen diote, beraz, Ipar Euskal Herriko gazte orori Gazte Egunera hurbiltzera. Aurresalmentak martxan dira, eta ondoko lotura honetan erreserba daiteke: https://www.helloasso.com/associations/xuti-gazte/evenements/gazte-eguna-1