Igande goizean, Heletako plazarat heltzean anitz jendek egin ahal dute igande soilez nolaz zagon hainbeste auto. Elizaratu direnean, eliza betea ikusiz bazen gogoetatzekoa.

Egun hortan baziren bi presuna medaila berezi batez paporatuak, Marie-Jeanne Mendiboure eta Jean-Pierre Curutchet, biek bazutela anitz urte pasaturik elizaren obren eta elizkizunen zerbitzuko. Lehenak gehienik musika joiten elizkizun guzietan, berdin auzo herrietan, eta hori 56 urtez. Bertzeak aldiz, ala irakurgaietan, ala ehorzketa, pesta berri, hil otoitzetan eta aitzinean J.A.C elkargoan egin obra guzientzat.

Bikario jeneralak erran beharrak, hondar momentuan eriturik, Ardohain Donapaleuko apez nagusiak paporatu ditu. Gure jaun erretorak karia hortarako gomita zabala egina zion parropia guziari, holako gertakariak bekan zirela eta orok behar zutela parte hartu, bost herrietako auzapezetarik haste, orotarik bildu da jendea zinez bihotzez eskertzen ditugunak. Egia erran medailak Erromatik, Vatikanotik, heldu dira aita sainduak benedikaturik.

Ondotik auzapezak gomitatu ditu han ziren guziak zintzur bustitze aberatsaren hartzera, ondotik bi familiak, apez eta auzapezak gomit ziren apairu onaren gozatzerat Idioineko ostaturat.

Marie-Jeannek eta Jean-Pierrek bihotzez eskertzen zaituztegu egun hunkigarri hortan parte hartu duzuen guziak.