Herriz Herri | 2024ko Martxoaren 14a

Korrika - Mus lehiaketa - Odol emaitea - Asiako leizorra - Denetarik

Ostiral goizean goizik, martxoaren 15ean, Korrika

Korrika badator...! Martxoaren 14an, ostegunean Irunetik abiatuko da, 10 egunen buruan martxoaren 24an Baionara heltzeko gisan. Aurten aihertarrek gauean korrika eginen dute, 2 km beren gain hartuz, 114 km eta 115 km. Lehenean (114 km) 3 elkartek parte hartuko dute, Beltzuntzek, besta komiteak eta Abarratia pilota batasunak. Hitzordua Hazparnetik Lekuinera arteko...

Herriz Herri | 2024ko Martxoaren 14a

Besten afixa ezagutua - Bizkarsoro - Mintzaldia

Besten afixa ezagutua

Joan den astean aurtengo Baionako besten afixaren irabazlea nor den jakin da, Sophie Courades Pauekoak du lehen saria eraman.

Biarnes margolariak proposatu afixak lehiaketaren botoen %24 baino gehiagorekin lehena agertu da, Alfredo León Mañu À¢'€'‹À¢'€'‹ondotik botoen %21ekin, Charline Pichot %20,66, Faustin Ducassou %17,12 eta Janick Tanguy %17. Aurten emaitzak nahikoa hurbil ziren. Interneten bidez 13.280 pertsonek bozkatu...

Herriz Herri | 2024ko Martxoaren 14a

Ate idekiak Printze Ttipia ikastetxean - Korrika - Sagarnotegi bazkaria

Ate idekiak Printze Ttipia ikastetxean

Gure herrian kokatua den Aiherra/Izturitzeko ama eskola elebidunak ateak zabalduko ditu martxoaren 16an (09:00-12:00). Irakasle eta laguntzaileak hor izanen dira buraso eta ikasle berrien errezebitzeko.

23. Korrika

Euskararen aldeko lasterkaldia, hemen gaindi martxoaren 14tik 15eko gau betean iraganen da. Aldi huntan Hazparne aldetik Donapaleurat joanen da. Izturiztarrek nasaiki parte hartzeko...

Herriz Herri | 2024ko Martxoaren 14a

Iduzkilore "Ihesi"

Maika Etxekoparrek zuzendu "Ihesi" antzerkia, Bernadette Iratzoki Luro eta Maider Beheran jokalariek martxoaren 22an (19:30), Arantzolan emanen dute.

Bi emazteren istorioa da, bide bazterrean elkar atzemaiten dute, Sabina zahar etxetik ihesi doana eta Marga etxekoandrea eguneroko bizitik eskapatu nahian. Ihesbidean elkartu dira.

Gau Eskolak antolatua, lekua atxikitzeko 06-80-24-28-19 edota ikusgarri egunean.

Herriz Herri | 2024ko Martxoaren 14a

Begetariano sukaldaritza

Martxoaren 17an (10:00-12:30), "Atelier du temps libre" elkarteak antolaturik, Amaia Castorenek, Goxoki espazioan, begetariano sukaldaritzan adituak, hilabetean behin euskaraz kurtsoak emanen ditu. Izena emaitea 06- 87-11-72-55 deitu.

Egun horretan prestatu janaria etxera eramaiten ahalko da.

Herriz Herri | 2024ko Martxoaren 14a

Heriotze

Berriki bere azken egoitzara segitu dugu Marie Jeanne Barhenne, 73 urtetan. Denbora guti eri egonik, gaitz gaixto batek gaina hartu dako. Bi alaben ama, bere bizia laborantzan eraman du. Familiaren penari juntatzen gira. Doluminak espos lagunari, haur, haur ttipi, haurride eta hurbileko guzieri.