Herriz Herri | 2023ko Azaroaren 02a

Kontseiluko biltzarra - Hiribehere Sokorrondo - Elektrika mozte - Abarratze lanak - Erasmus+ - Erakusketa

Kontseiluko biltzarra

Lapurdi gelan iragan da joan den ortzegun arratsean. Aho batez onartuak izan dira gai guziak:

- Denis Rouault kontseilariaren demisioaren ondotik, lan batzordeak osatzean, Mixel Sarratia 4 sailetan izendatua izan da: kultur eta kirola, hizkuntza politika, Tolosarekin parekatzea, trantsizio ekologikoa eta energetikoa. Françoise Gallois bere aldetik sartzen da finantza eta ekintza ekonomikoetan.

- Bizitegi sozialen arrandan emaileekin...

Herriz Herri | 2023ko Azaroaren 02a

Eskubaloia

Joan den asteburuan bakarrik partida bat iragan da. Nazional 2 mailan, Irisartarrak taldea Hendaian ari zen, 22-22 emaitzarekin bi ekipoak berdin gelditu dira.

Heldu den aste hondarrean, partidarik ez da izanen.

Herriz Herri | 2023ko Azaroaren 02a

Esposak

Artetan plazer da berri on batekin hastea, herritar Julie Delguek hartu du biziko lagun Didier Amorena lekondar gizon gaztea. Bikotea Heletan biziko da, eraiki etxe berrian. Aitatxi-amatxiek, aitamek har ditzatela goraintziak, bizi luze urosa espos berrieri!

Herriz Herri | 2023ko Azaroaren 02a

Dolu

Marijane Tapia Zedarria etxean bizi zenak, utzi ditu bere etxea, hain maite zuen Iholdi herria eta mundu hau utzi ditu, nehor guti beha zegoen tenorean. Isila bezain baliosa iragana du bizia, senarra aspaldian joana. Bakarrik bizi zen Zedarria etxean, estimatua zela ageri zen, ehortz egunean bildu den jendearekin, otoiz eta kantuetan parte hartzera jinak.

Doluminak eskaintzen ditugu familia osoari.

Herriz Herri | 2023ko Azaroaren 02a

"Mizanbu Pala Cup torneoa" - Jantzi hustea

"Mizanbu Pala Cup torneoa"

Lehiaketa bururatzera doala, azaroaren 4an, Petriko auzoko Larrepunte ezkerparetan finalak iraganen dira: 3. mailako finalarekin hasiko da (10:00), ondotik 2. maila eta bururatzeko lehen maila. Bazkaria antolatua da (25€), erreserbatzeko mezuz 07-88-48-21-58 zenbakira.

Jantzi hustea

Azaroaren 5ean Mizanbu gaztetxean jantzi hustea iraganen da (10:00-18:00). Bigarren eskuko jantzi merkeak,...

Herriz Herri | 2023ko Azaroaren 02a

Xilaba

Azaroaren 4an (19:00), Kiroletan Xilabaren finalerdia iraganen da. "Lizaieta" taldea (Etxahun Azkarraga, Ellande Alfaro, Haira eta Karlos Aizpurua) eta "Muttikoak" taldea (Irati Alcantarrilla, Haize eta Ibai Lekuona eta Miren Artetxe) bat bestearen kontra lehiatuko dira.