Herriz Herri | 2026ko Maiatzaren 07a

Pilotako emaitzak

Apirilaren 25ean, Lekornen iragan ziren Iparraldeko pala goma hutsa txapelketako emazteen finalak, eta Uhaldean-ek bi talde kalifikatu zituen: Anna Recalde eta Mila Martinon M22 kategorian, Lekorneko Airetik taldearen kontra, eta Amaia Maindive eta Ana Sarcou M19 B kategorian, Baigorriko Zaharrer Segi taldearen kontra.

Gure bi taldeek irabazi zituzten haien finalak eta konfirmatzen dute gure pilota taldearen forma. Goresmenak haiei eta entrenatzaileei!

Herriz Herri | 2026ko Maiatzaren 07a

Dolu

Germaine Oihanburu 75 urtetan zendu da; herriko elizan izan da ehorzketa elizkizuna eta familiako hobian pausatzen da.

Maitatu dutenen doluminari juntatzen gira.

Herriz Herri | 2026ko Maiatzaren 07a

Thomas Ospital artista-musikaria Kanbon

Ez da nornahi Thomas Ospital, Aiherra Auxoteako semea. Gazte gazterik pianoan eta bereziki organoan atrebitua, ikasketak Baionan, Donostian eta Parisen eginik, aski fite irabazi zituen internazional mailako sariak eta txapelketak.

36 urteko artista Pariseko Saint-Eustache elizako organo-joile titularra da 2015etik. 2016tik 2019ra “Maison de la Radio” etxean 3 urteko egonaldia egin zuen lehen organo...

Herriz Herri | 2026ko Apirilaren 30a

Helduen ateraldia Gers eskualdean - Eskola publikoaren oinezko ibilaldia - Ate idekitzeak eskola giristinoan

Helduen ateraldia Gers eskualdean

Azken urteetako usaiari jarraikiz, Goiti Aire hirugarren adinekoen elkarteak bidaiak antolatzen ditu autobusez, herri auzoetako elkarteekin juntatuz. Ateraldi hauen funts nagusiena da jendeak etxetik jalgitzea, memento goxoak elkarrekin iraganez eta toki bereziak aldi guziz autobusez bisitatuz.

Joan den ortzegunean 30 bat bastidar eta beste hainbeste aihertar, lekuindar eta...

Herriz Herri | 2026ko Apirilaren 30a

Haur kantu txapelketa

Botzak maiatzaren 3an entzungai izanen dira. Finalerdietako hiru saioak, Gure Irratia, Irulegiko Irratia eta Xiberoko Botza irratiek antolaturik, aldi berean eginen dira Lapurdin, Baxenabarren eta Xiberoan. Publikoa gonbidatua da Armendaritzeko Zuentzat gelara, Larresoroko herriko gelara eta Barkoxeko arrabotira, kantari gazteak ezagutzeko. Txapelketa hiru kategoriatan banatua da: bakarlariak, bikoteak eta taldeak; horiez gain, publikoaren saria eta sari bereziak ere banatuko dira....

Herriz Herri | 2026ko Apirilaren 30a

Liburu aurkezpena

Azokaroaren karietara, apirilaren 30ean (19:00), Jone Bordatok idatzi “Erroren izerdia” liburuaren aurkezpena eginen da Bil Tokin. Azkaingo Irakurle Taldeak antolatu ekimena da hau. Ongi etorri deneri!