Herriz Herri - Urepele (NB) | 2023ko Ekainaren 01a
Astoa zauritua
Gaur goizean usaian bezala astoak egun onak ematera etorri zaizkigu, ahora zerbait eramaiteko esperantzatan eta hara non ezusteko desatsegina hartzen dugun. Asto bat zauriturik dugu, gibelaldean animaleko zakua duelarik.
Ez zaigu batere zaila egin pentsatzea, gaueko asto horien nondik norakoak, ez eta zeinen eskuetan eginak izan diren ere zauri horiek.
Gezurra dirudi etxeko abereei esker bizi den herri batean (ardi, behi, behor, asto etabar...) holako basakeria gertatzea. Lotsagarria eta salagarria da gertaera hau eta zoritxarrez oraindik ere horrelako makina bat ikusi beharko ditugu zerbait egin ez ezean.
Besterik gabe astindu ditzagun kontzientzia horiek eta batez ere "astakeria" hori egin duen horrek.
