Sagardo eguna

Ekainaren 3an iraganen da, Errepublika plazan (18:00). Baleak elkarteak antolatu gertakaria, Euskal Herriko sagardoaren dastatzeko parada izanen da, talo eta pintxoekin. Anjel Mari Peñagarikano eta Amets Arzallus bertsulariak ere hori izanen dira bazterren animatzeko, Auntxa trikitixa eta Kuxkuxtu txaranga lagun ukanen dituztela.

"Baratzean elkartu"

Duela 10 urte Hendaian bizi diren familientzat partekatzen diren baratzeak estreinatuak izan ziren, aurten urteurrena ospatua izanen da. Ekainaren 2an (9:30-19:30), "Baratzean elkartu" eguna proposatua da. Hendaiako kaskoetan, Laparka gunean diren 42 baratze lursail bisitatzen ahalko dira. Handi eta helduentzat tailerrak, kanpoko zinema eta animazio desberdinak antolatuak dira.

Hendaiako Irandatz eta Alemaniako Wolfenbüttel kolegioen trukaketa

Apirilean Alemanian egon ondoan, Irandatz kolegioko ikasle hendaiarrek, alemaniar lagunak errezebitu dituzte. Donostia, Ezpeleta eta Donibane Lohizune bisitatu dituzte, pilotan eta euskal dantzen ezagutzeko parada ukan dute eta Hendaiako Herriko Etxeak Abbadiako Behatokira eskaini bisitaz baliatu dira.