Eskolako sartzea

Aurten 29 haurrek egin dute beren ikasturtearen sartzea usaiako erakasle, laguntzaile eta langileekin.Denek urte on bat iragan dezatela.

Sortze bat

Munixtako Christelle Goyhenetche eta Mattin Alfaroren familia bigarren haur batez emendatu da, seme bat Iñaki deitu dutena. Goresmenak burasoeri eta bizi luze eta uros bat Iñaki ttipiari.

Ezkontza

Erintaine Gaineko Mixel Amorenak hartu du biziko lagun Cindy Huguet. Familia hau Zarkindeian bizi da. Goresmenak bikote gazteari.

Ateraldi

Lehengo gazteak elkarteak urteko ateraldia buruilaren 26ko finkatua du. Aurten Sararat abiatuak dira. Goizean Sarako leizeak eta Ellande Alfaroren "Eskutik" lantegia bisitatuko dituzte. Bazkaria "Urtxola" jatetxean eginen da eta ondotik Ibardinen barna laburzka etxeratzeko. Elkarteko partaideek gomita eskuratua dute. Norbait interesatua balitz, gustian harremanetan sar bedi Bernadette Periko edo Pantxo Gortairurekin. Denak ongi etorriak dira.