Oharrak

Kasu! Herriko Etxeak dei egiten die donibandarrei adi egon daitezen, azken egunetan jendearen etxeetan agertzen diren jendarme faltsuek ebasketak egin dituztelako.

Iparraldeko hondartzen zainketa bukatua

Sartzea dela eta, Zenitz, Lafitenia, Maiarko eta Erromardiko hondartzak ez dira gehiago zainduak izanen. Hala ere, hondartza handiak zaindua izaten segituko du irailaren 22a arte (12:30-18:30).

"ARTha" erakusketa

Irailaren 21ean larunbatarekin eta 22an igandearekin iraganen da "ARTha" erakusketa. Arte obren salmenta eginen da Jacques Thibaud pasealekuan (9:00-19:00). Bertan, tindatzaileak, eskultoreak, argazkilariak eta bideografoak atzemanen dira, zale ala profesionalak direnak.

Kiroleko izen emateak

Oraindanik izena eman daiteke kirol jardueretan parte hartzeko, haur eta helduentzat.

Haurrei dagokienez, 2017 eta 2018 urteen artean sortu direnei zuzendua da, herrian bizi ala eskolatuak direnei, asteazken arratsaldetan herriko kirol azpiegituran kirola egiteko. Karatea, atletismoa, gimnastika, pilota eta eskalada egiteko aukera izanen da. Urteak 35 euro kostatzen du haurka. Helduei dagokienez, astelehen eta astearte arratsaldetan baita ostegun eta ostiral goizetan, astean saio bat eta hiruren artean egiteko aukera emana da. Oinezko ibilketa eztia edo ernea, gimnastika eztia, urezko oinezko ibilketa, talde kirolak, erraketa kirolak, arku jaurtiketa, petanka,... egiteko parada izanen da. Prezioa, 35 eta 95 euroren artean kostako du, aktibitate kopuruen arabera. Izena Herriko Etxeko kirolen zerbitzuan eman behar da. Informazio gehigarri guziak www.saintjeandeluz.fr webgunean.