Liburu berri

Peio Jorajuriak idatzi du liburu berri bat, frantsesez: "Bidarray 1800-2000, deux siècles de vie municipale", Herriko Etxeak diruztaturik. 1998an idatzitako "Bidarrai" monografiaren segida da. Bidarraiko herria, bere auzapez eta kontseilariekin, sortu zen ofizialki 1800. urtean, Ortzaizetik berexirik. Orduz geroztik, bi mendeetan barna, nor izan diren auzapez eta kontseilari, zein etxetakoak, zer proiektu bete ahal ukan duten, nola kudeatu duten herria, nolako eztabaidak izan diren, gertakariak, inarrosaldiak, emigrazioa, gerlen ondorioak, hori guzia da xeheki kondatua, Herriko Etxean artxibatuak diren "Cahiers de délibérations" delakoetan oinarriturik. 206 orrialdeko liburu hori argazki xaharrez apaindua da.

Buruilaren 22an presentatua izanen da, igande goizez (10:30), Arrume gelan (trinket gibelean). 15 eurotan salgai izanen da. Ondotik, Herriko Etxeak hurrupaldia eskainiko du deneri. Ongi etorri.

Amarrain besta

Buruilaren 22an ere iraganen da Amarrain besta, Nathalie Heguy eta Jean-Marie Castanchoaren ardurapean. (9:00) meza, eta elizkizunetik ateratzean krema opilak, (10:30) pilota partida, (12:30) aperitifa eta bazkaria trinketean, usaian bezala animatua, bai eta zozketa sari anitzekin. Gomita guzieri zabaldua da.