Pantzo Irigaray baigorriarra oso ezagutua da euskal antzerki idazle, jokalari baita ere Irulegi irratiko kazetalari eta animatzaile bezala. Pantzoren dohaina umore ona eta irria edozoin gaietan publikoarekin partekatzea da.

Plazerekin beraz Bixintxo kultur guneko taularen gainean entzuten ahalko dugu Pantzo artista, oren bat eta laurdenez... Umore ona segurtatua!

Euskal Herriaren egoerari lotuak diren gai desberdin frango jorratuko ditu bere moldean: nahas mahas, Euskaltzaina eta euskaldun berriak, San Ferminak, Euskal Herriaren independentzia ospatzeko bazkari antolaketa, covid-aren eragina bozkaldietan, immigrante edo etorkinak Baigorrin... Bainan fantesiazko beste aipamen batzu ere, hala nola irratilariaren sofrikarioak, lehengo eta oraiko gazteen jokamoldeak amodio konduetan, taloaren lanjerak ikastolentzat, Miss Euskadi eta beste...

Sartzea 10€tan tokian bertan edo Helloasso webgunean.