Kirolariak omenduak

Aurten berriz ere, joan den denboraldian balentriak lortu dituzten kirolariak omendu ditu herriak irailaren 5ean. Kirol jardueraren onurak lehen lerrora ekartzen laguntzeko moldea izan da! Hautetsiek kirolariei harrera eskaini diete erabilera anitzeko esparruan, lagun arteko giroan.

Biba zuek!

Ravel festibala Marinela eskolan

Eskolako bigarren egunaren karira, Ravel Festibala agertu da Marinela eskolan ikasleei musika eta olerki aldi baten eskaintzeko. Bertrand Chamayou piano jolea, Apolline Rai Westphal kantaria eta KiLiKAko txotxongiloa aritu dira bertan, hogoita hamar minutuko emanaldi berezia eskaintzeko. Ravel-en "L'enfant et les sortilèges" (haurra eta sorginkeriak) obraren inguruan, Ravel Festibalak 2024-2025 ikasturtean zehar Marinela eskolan eramanen duen ekintza pedagogikoaren iragarpena da sartze musikatu hau.

Elkarteen etxea

Gaztetze airea ekarria izan zaio Roger Berné elkarteen etxeari, sartzea aitzin: garbiketa, tindaketa, estaiako dantza gelako zurezko zoladuraren zaharberritzea eta seinaletika elebidun eta eskuragarri berria jarriak izan dira.

Joan den neguan burutu berritze energetiko obren jarraitzeko, bero ponpa berri bat ezarria izanen da udazkenean, gaur egungo gas galdararen ordez. LED-ak instalatuz, berina bikoitza ezarriz, %80ko berotegi gas isurketaren murrizketa eta %75eko energia kontsumoaren apaltzea lortuko da.