Komunionea

Joan den igandean 13 haurrek beren komunionea egin dute gure herriko elizan. Urepele, Aldude, Banka, hots ibarrekoak eta Baigorrikoak ziren.

Karrika heste

Musikaren Besta kari eta errebote partida batengatik, herri barnearen zeharkatzea debekatua izanen da plaza nagusiaren heinean, ekainaren 21etik ortziralearekin (17:00) 22ra ibiakoitzarekin (13.00).

Musikaren Besta

Baigorriko plazan ospatuko da ortzirale huntan. Jakin afixan emana den egitarauaz gain, Garazi eta Baigorriko AEK-ko erakasle eta ikasleek ere parte hartuko dutela, 3 abesti kantatuz.

Masters Neskak

Pala erregina izanen da ibiakoitz huntan Baigorriko trinketean. Frantses federakuntzako xapelketen finalak lerrokatuko dira: xito, kimu eta gaztetxoen mailetan (10:00-18:00).

Ondotik, “Masters Neskak” lehiaketako lehen zoingehiagokak jokatuko dira, bi sailkapen partidekin. Finalerdi eta finalak ondoko asteburuan.

Zaharrer Segi pilota elkartearen 100 urteren karietara, gure kirola zerbitzatu duten baigorriarren argazkiak gure herrian hedatuak dira han-hemenka, hala nola Jean Marie Berterretcherena plaza nagusian, pilotari gazte zelarik.

Ihiztariak

Baigorriko ACCA ihiztarien elkartearen biltzar nagusia ekainaren 22an, ibiakoitzez iraganen da Herriko Etxean (9:00).

Zine festibala

“Défendre les droits humains” edo “Giza eskubideak zaindu”. Gai huni lotua izanen den zine festibala Bil Etxean proposatua izanen zauku ekainaren 23tik 27ra. Deneri idekia eta sartzea urririk.

- Ekainaren23a, igandea: “Irrintzina, le cri de la generation climat” (17:30).

- Ekainaren 24a, astelehena: “La loi du plus faible” (20:30).

- Ekainaren 25a, asteartea: “Agent orange: la derniere bataille” (20:00).

- Ekainaren 26a, asteazkena: “L'activiste” (20:30).

- Ekainaren 27a, ortzeguna: “A thousand cuts” (20:00).

Dokumental bakotxaren ondotik, debate eztabaida iraganen da, gomita berezituekin. Xehetasun gehiagorentzat: contact@ifjd.org.