Ondarearen Europako Egunak

Bi egunez Ospitalea zentroak Ondarearen Europako Egunak kari aktibitate desberdinak antolatzen ditu. Buruilaren 21ean eta 22an Ospitalea zentroaren bisita gidatua (11:00), arratsaldean larunbatean (16:00) eta igandean (15:00) Zigor zizelkari-argazkilariak memento huntan Ospitalean presentatzen duen Malda Bizi erakusketa presentatuko du.

Pilota

Udako lehiaketak

Usaian bezala Irisartarrak pilota elkartearen udako lehiaketen finalak iragan ziren buruil hastapenean. Plaza laxoan esku huskarentzat huna emaitzak. Hirugarren mailan: Poutçou Hourcade-Lapegue 30 / Izoco-Haristoy 29. Lau pilotariek partida arras ona eskaini daukute eta suhuskundar bi pilotariek aski lan ukan dute irabazteko aihertarreri! Bigarren mailan: Ospital-Arrijuria 30 / Landart-Berterretche 15. Hemen bidarraitar eta garaztarrak nagusitu dira partida erditsuetarik harat halere ortzaiztarrak bururaino lotu dira! Lehen mailan: Idiart-Harotçarene 30 / Etchevers-Luro 23. Makear eta Sarako azeriek berriz ere nagusi aurten Irisarrin, Gure Doiako lehiaketaren ondotik. Alta irisartar gaztea eta gamartiarra entseatu dira bainan ez dute lortu! Irisarriko Herria trinketean ginituen pala antxako lau final, huna emaitzak: hirugarren mailan: Mendy-Barnetche 40 / Gariador-Sallaberry 36. Bigarren mailan B: Muscarditz-Elgart 40 / Dothen-Handy 19. Bigarren mailan: Jaureguiberry-Oxandabaratz 40 / Elissalde-Heguy 38. Lehen mailan: Eyherabide-Gachen 40 / Ourthiague-Carricart 28. Ondotik zintzur bustitzea eta bururatzeko zikiro jatea Gure Doian. Eskerrak laguntzaile guzieri, gisa batez edo bestez eskukaldi bat eman duteneri. Pilotak badu denen beharra...

Esku baloia

Nazional 2 mailan, Irisartarrek galdu dute ASPOM Bègles-en 25-20. Pre-Nazional mailan, bigarren taldeak galdu du Ossau taldearen kontra 30-26. Nesketan, Nazional 3 mailan, Kanbo/Irisarrik galdu du Villenaveren kontra 31-26. Bigarren taldeak berdinketa egin du Asson-en kontra 25-25. Erregional mailan, hemezortzi urtez petikakoek irabazi dute Marmanden 32-24.

Heldu den aste hondarreko partidak: gizon gehienetan, nazional 2 mailan, Irisarrik errezebituko du ETEC Charenteko talde gotorra, larunbat arratsean (19:00). Pre-Nazional mailan, bigarren taldeak errezebituko du Canejan (17:00).

Erregional mailan, hamazazpi urtez petikakoak joanen dira Asson-era (16:30).

Neska gehienetan, Kanbo/Irisarriko bigarren taldea joanen da Baionara (20:00). Erregional mailan, hemezortzi urtez petikakoek errezebituko dute Irisarrin Mont de Marsan, igande arratsaldean (14:00).