Eskubaloia

Departamenduko eskubaloiko finalak ziren asteburu huntan, Gan eta Billeren. Irisartarrak elkarteak finalean 3 talde bazituen. Mutikoetan, hemezortzi urtez petik Irisarri/Atharratzeko taldeak irabazi du Lescar-i, 32-28. Bigarren aldikoz segidan txapeldun atera da.

Nesketan, hemezortzi urtez petiko Irisarri/Kanboko taldeak doi-doietarik galdu du Bordes taldearen kontra, 31-30. Partida biziki tinkia izan da, penaltiekin bukatu dute.

Hamabortz urtez petikoek galdu dute Asson/Bruges-en kontra, 32-20. Ez dute partida hoberena egin. Irisartarrak multxoko lehena izanez,aukera ukanen du heldu den asteburuan Akitania Berriko xapelgoa jokatzeko, beste departamenduko lehenen kontra. Gure jokolariek Perigueux eta Rochechouart ukanen dituzte parean.

Irisartarrak-en biltzar nagusia

Bestalde eskubaloiko elkarteak bere bitzar nagusia ukanen du heldu den ortziralean (20:00). Denak gomitatuak dira sasoinaren ibilbideaz mintzatzeko.

“Malda bizi” erakusketa

Ospitalea Ondare Hezkuntzarako Zentroan aurkeztua izanen da Zigor artistaren erakusketa. Uztailaren 5ean, ostiralez (18:30), estreinatua izanen da, Zigor eta Alexia Larrartek azalpenak emanen dituzte.

“Malda bizi” erakusketan, Zigorrek bere herriaren ikuspegi intimo eta kontenplatiboa erakusten du, bere argazkilari begiaren bidez transkribatua da. Argiari buruzko lan jakintsuena, zuri-beltzaren esplotazioaren bidez, irudiak sortzen dituen emozioak handitzen ditu.

Erakusketa uztailaren 6tik urriaren 12a arte ikusgai izanen da.