Argazki Rallya

Irailaren 16tik 22ra, 2024ko Europako Mugikortasun Astea dela eta, Irun, Hondarribia eta Hendaia hiriek Bidasoa-Txingudi Mugaz Gaindiko Partzuergoarekin batera antolatu Argazki Rallyan parte hartzeko gomita zabaltzen dute. Helburua mugikortasun jasangarria Bidasoa inguruan iruditan jasotzea da. Hiru argazki bidali behar dira, bat hiri bakoitzean, garraiobide arinak edo kolektiboak nabarmentzeko. Hautatu argazkiak erakusgai izanen dira, eta argazki onenak sari berezia errezibituko du! Argazkiak helbide huntara bidali behar dira: consorcio@bidasoa-activa.com. Araudiari buruzko informazio gehiago ukateko: https://www.irunhondarribiahendaye.com/.

Kontzertua

Irailaren 24an asteartearekin, Itsasoa koruak kontzertua emanen du Santa Ana elizan (21:00). Kontzertua euskaraz izanen da. Sartzeak 12 euro kostako du, 14 urtetik petikoentzat urririk zanen da. Xehetasunak ukateko 05-59-20-00-34 zenbakia deitzen ahal da.

Jessica Berra txapeldun

Jessica Berrak zilarrezko domina irabazi du Genovan, Italian, munduko arraun txapelketan emakumezkoen banakako proban. Lehiaketa bikaina egin zuen, eta Monika Dukarska irlandar txapeldunaren gibeletik 7 segundura gelditu zen helmugan. Zorionak Jessica!