Etxe Handia elkarteak urtero bezala Makea Oinez antolatzen du, irailaren 29an iraganen da.

Aurten, parte-hartzaile bakoitzeko euro bat emana izanen da Baionako ospitaleko onkologia eta hematologia zerbitzuetan baldintzak hobetzeko lan egiten duen Kimio Peñari.

Ezkerparetan hitzordua eman da (7:30), gosaria eskainia da, ondotik ibilaldi desberdinak abiatuko dira. Lau ibilaldi proposatuak dira: "Ttikia" 13km (650 metro desnibel), "Urtsu" 17km (800 metro desnibel), "Baigura" 22km (1050 metro desnibel) eta "Makea Oinez" 36km (1.800 desnibel).

Urtero bezala, joëlette-delakoarekin etorri nahi duten pertsonak ongi etorriak dira, Ttikia ibilbidea karro horientzat egingarria da.

Mendi kaskoetan ibiliko direnek jateko eta edateko pausak ukanen dituzte, bai eta heltzean. Galdegina da bakoitzak bere baso berria segiaraz dezan. Bezperatik etorri nahi dutenek Etxetoan lo egiteko posibilitatea badute.

Prezioa 6 eta 16 urte artean 5 euro, bestek 10 euro.

Agian denbora ederra lagun, egun atseden baten pasatzeko mentura!