Urgazietako pestak

Huna beraz urtero bezala uda hondar huntan, Urgazieta auzo guneko pestak ditugula irailaren 27ko asteburuan.

Ostirala, 27a: (19:00) komiteko gazteen ibilaldia: 25 bat gaztek karro apaindu batean herriko auzo guneak inarrosiko dituzte zintzur bustitze batzuen truk eta pertsu hauek botatuz:

Beskoitzeko herritar, partaide elkartu

Laguntza guziagatik, herria indartu

Zueri esker baitira besta hauk agertu

Komiteak nahi ditu guziak eskertu!

Larunbata, 28a: (9:00) ibilaldi gastronomikoa (oinez lasai edo lasterka) kaloria galduak berreskuratzeko ibilbideko hornikuntza guneetan izanen da jasta! (15:00) haurren arratsaldea, joko puzgarriak, makillajea eta komiteak eskainitako atsaskaria. (19:00) zintzur bustitzea eta ondotik afaria (txerrikume errea...) edo pintxoak Larre ostatuan. (23:00) dantzaldia Gaubele taldearekin.

Igandea, 29a: (9:00) ekoizleen eta sortzaileen merkatua, (10:00) meza nagusia karpapean, (11:00) bestetako hitzaldia eta zintzur bustitzea komiteak eskainirik, Euskurra taldeak alaiturik. (12:30) paëlla bazkaria tokian berean edo etxera ekartzeko. (13:00) Behi lasterketa eta bestak bururatzeko talo eta garagarno.

Besta on deneri.

AEK-ren euskarazko kurtsoak

Hainbat urteren ondoren, berriz ere Gau Eskola izanen da Beskoitzen, Hazparneko AEKren laguntzarekin, 2024-2025 ikasturtean zehar (irailaren 30ean kurtsoen hastapena). 3 oren astean arrats batez, eskola elebidun eta ikastoletako burasoentzat, 18:30 edo 19:00etatik goiti; 5 oren astean 2 arratsez, 2,5 oren arrats bakoitzean; 6 oren astean 2 egunez, 3 oren egun bakoitzean.

Talde batean ikasle guttiegi bada, Hazparneko ikasleekin osatzen saiatuko gira, Hazparnen edo Beskoitzen emanez klaseak.

Dudak badituzue? Zenbaki huntarat deitzen ahal da: 05-47-02-48-74 edo hazparne@aek.eus idatzi.

Bilkura izanen da irailaren 21ean (9:30) Beskoitzeko Elkartetxe gelan.

Bertzalde, euskara erakasteko prest den norbait AEK informa dezala (hazparne@aek.eus).

Gau Eskolekin batera, jakin ezazue Mintzapraktikak antolatuak izanen direla hilabeteko 1. eta 3. ostiraletan, (19:00) Larre ostatuan, urritik aitzina.