Arabako Foru Aldundiak jakinarazi du, Langraiz Okan (Araba) amonitea batenfosil erraldoi batatzeman dutela. Bare korkoil itxura duen fosila, Kretazeo garaikoa da, 87 milioi urte inguru ukan behar lituzke, 61x56x6 zentimetroko neurria du. Ana del Val Kultura eta Kirol diputatuak adierazi duenez, 40 zentimetro inguruko amonite-fosilak ohikoak badira, atzeman berria 60 zentimetrokoa da.

Foru Erakundeak azaldu duenez, irail hasieran mendian ibilaldia egiten ari ziren pertsona batzuk zuten aurkikuntza atzeman, Arabako Zientzia Museoko kolekzioak kontserbatzeaz arduratzen den paleontologo bati jakinarazi zioten.

Pieza osorik zegoen, arteka eta arraildurarik gabe, fosila osorik ateratzeko arazorik ez da izan. Orain, Arabako Natur Zientzien Museoko zerbitzuen esku da. Aldundiak zaintzeko eta eginahala laster erakusgai jartzeko asmoa du.

Arabako Natur Zientzien Museoan duten hirugarrena amonitea da.

Jaurlaritzak zortzi milioi euro inguru banatuko ditu euskara maila guzietan ikasteko dirulaguntzetan. Ikasturte honetan, berrikuntza gisa, dohainik izanen dira A1 eta C1 maila jarraitzeko eskolak. Jaurlaritzak euskara ikasteko erraztasunak emateko lau milioi euro bideratuko ditu. Arduradunek diote: "Euskara ikasteko sistema merkeago baten aldeko parioak fruitua ematen hasi da, urtearen amaierarako 7.000 ikaslek diru-laguntzak eskatuko dituzte".

Espainiako Gobernuak erdira jaitsi nahi du gidatzeko baimenduta dagoen alkohol neurria gidari guzientzat, Fernando Grande-Marlaska barne ministroak iragarri duenez. Espainiako Barne ministroaren arabera, Espainiako Estatuan izaten diren istripuen erdietan baino gehiagotan alkoholak edota drogak zuzeneko eragina dute. Gaur egun legeak, odol litro bakoitzeko gehienez 0,5 gramo alkohol izatea baimentzen du. Marlaska ministroak xehetasunik eman ez badu ere, Barne Ministerioak adierazi du odolean baimenduta dagoen gehieneko alkohol tasa 0,5 gramotik 0,20ra jaistea dela asmoa (botatako aire litroko 0,25 miligramotik 0,10 miligramora).

Imanol Pradales Euskal Autonomiako Erkidegoko (EAE) lehendakariak "Forum Europa Tribuna Euskadi" saloian prentsaren aitzinean agertu da. Adierazi du: "Ausartak izateko garaia da, aurrez aurre dugun aukera aparta baliatuta, Espainiako Estatuarekin aldebiko itun politiko berria adostekoa da. Akordioak -nazio errealitatea- aitortu eta Ekonomia Itunaren eredua ukan behar du oinarri, autogobernuan, elkarbizitzan eta ongizatean hazteko".

Eman hitzaldian, lehendakariak, erkidegoak Espainiako Estatuarekin duen aldebiko harremana azaldu du, elkarrekiko aitortzan oinarritzen dela azpimarratuz. "Alde bakoitzak ezin dio besteari haren borondatea inposatu. Bien onerako hitz egin, negoziatu eta adostu beharra dago". Pradales lehendakariaren iritzian, adostu beharreko itunak hiru helburu ditu: autogobernua bermatu eta eguneratu, Gernikako Estatutua bere osotasunean bete eta etorkizuneko estatutu itun berri bat lortu.

Espainiako Gobernuaren asmoa soldatak murriztu gabe, asteko lanaldia 40 ordutik 37,5era jaistea da. Uda aurretik egin azken bileretan akordio zehatzik adostea lortu ez bazuten ere, langile eta nagusien sindikatuek adierazi zuten jarrera eraikitzailea izan zela. Enpresariek neurria aplikatzeko malgutasuna eskatu dute, espainiar gobernamendua engaiatu da proposamen berri batzuen egitera.

Lan Ministerioak lanordu ttipitzeko neurria 2025 urtean zehar plantan jarri nahi du. Enpresaburuek, beren aldetik, eskatzen dute lan murrizketak eragina ukan dezala aurrerantzean negoziatuko diren hitzarmenetan, indarrean daudenetan eraginik ukan gabe. CCOO eta UGT sindikatuek lanaldia 37,5 ordura murrizteko mobilizazioak aurreikusiak dituzte. Perez Rey ministroak akordioa lehenbailehen lortzea espero du.

Iñigo Juez Ajebask Euskadiko Enpresaburu Gazteen Federazioko presidenteak zioen: "Lan egiteko aldaketak badira, gazteek ordutegiak, mugikortasuna eta telelana gehiago estimatzen dituzte".

Euskadiko Enpresaburu Gazteen Federazioko presidenteak egin agerraldian azaldu du "gazteek ez dute lan egin nahi" entzutean, bere arabera, errealitatea ezin dela baztertu, gazteek lanbide moldeari garrantzi gehiago ematen dutela azpimarratu du. "Gazteei motibazioa falta zaie, jakin behar dugu zer behar duten". Adierazi duenez, eskakizun horiek guziak nola txertatu ahal diren bilatu behar da, denentzat aterabide onuragarria atzemateko, kontziliazioak gero eta garrantzi handiagoa duela gaineratu du. Gehitu du: "kezkatzen gaituen errealitatea da, baina ari gara lantzen".

Euskadiko Autonimia Erkidegoan, batez beste, logela bat alokatzea hilabetean 543 eurokoa da, duela 5 urte baino %57,5 (2019) gehiago eta duela 9 urte (2015) baino %73 gehiago, 2015eko abuztuan baino %73 gehiago. Bilbon, logelak alokatzeko, hilean prezioa 621 eurokoa da, 496 eurokoa Donostian eta 369 eurokoa Gasteizen.

Iruñeko Herriko Etxeko EH Bildu, PSN, Geroa Bai eta Zurekin Nafarroa taldeek ekimen ofiziala abian jartzea adostu dute, hiriko Alde Zaharrean apartamentu turistikoen lizentzia gehiago ez emateko.

2030eko Hiri Agendan azaldutakoaren ildotik, talde horiek elkarrekin egin ohar batean azaldu dutenez, "Prebentziozko hirigintza-aldaketa" gisa definitu akordioak auzoaren bizitegi eredua babestu nahi du, horren ehun komertziala defendatu eta turismo eredu jasangarria bultzatu.

Gaur egun horrelako 186 apartamentu badaude, auzoko etxebizitza guzien %2,8 eta hiri osoan dauden 337 apartamendu turistikoen erdia baino gehiago (%55). Azken bost urteetan, bakarrik 90 egoitza turistiko berri ezarri dituzte eta 21 eskaera badaude gai honetan mahai gainean.