Urriaren 21ean, Jean-René Etchegaray Euskal Elkargoko lehendakariak eta Julien Charles Pirinio Atlantikoetako prefetak alokairuen arautzearen akordioa izenpetu dute Euskal Elkargoaren egoitzan. Dispositibo hori azaroaren 25ean abiatuko da, Ipar Euskal Herrian gehien hunkitua den zonaldeko 24 herritan. Iragarpen hori Alokairuen Tokiko Behatokiaren urteko txosten aurkezpenaren karietara egina izan da, "Agence d'Urbanisme Atlantique & Pyrénées" (AUDAP)-aren eskutik.

Alokairuen arautzea

3DS legeak alokairuen arautzea ahalbidetzen du, gehien hunkituak diren zonaldetan. Jean-René Etchegarayk zioen bezala: "Konkretuki, dispositibo hunek neurrigabeko alokairuen kontra egiteko aukera ematen du, alokairuen emendatze handiak geldiarazteko, jendearen erosahalmena zaintzeko eta etxebizitzarako sarbidea errexteko".

2021ean galdea egin ondoren, 2023ko ministerio-dekretuaren bidez, Euskal Elkargoa baimendua izan da Ipar Euskal Herriko 24 herritan alokairuen arautzea abiatzeko, besteak beste Angelun, Arrangoitzen, Basusarrin, Bokalen, Jatsun, Lehuntzen, Larresoron, Miarritzen, Baionan, Mugerren, Hiriburun, Uztaritzen, Milafranga eta Urketan aplikatuko dena. Alokairuak arautzeko sistema Alokairuen Tokiko Behatokian oinarritzen da, zeinetan "Agence d'Urbanisme Atlantique & Pyrénées" 2021ean onartua izan zen.

Jakinarazia izan da dispositiboa aurtengo urriaren 25etik 2026ko urriaren 25era aplikatuko dela, esperimentatzeko gisan. Alokatuak diren etxebizitzei eta alokatze kontratu berritzeei aplikatua izanen zaie besteak beste.

Alokairua kalkulatzeko simulagailua

Euskal Elkargoaren webgunean, etxebizitzen alokairua kalkulatzeko simulagailua bada. Helbidea, etxea ala apartamendua den, gela kopurua zenbatekoa den, noiz eraikia izan den eta mublatua den ala ez zehaztea galdegina izanen da, ondotik alokairu erreferentzia eman ahal izateko. Legalki, prezioa ezingo da %20ez emendatu eta aholkatua da %30etik behera ez murriztea. Jakin behar da inflazioa kontuan hartzen segituko dela, alokairuaren erreferentzia-indizearen bitartez.

Erreferentziako alokairu hori errespetatzen ez bada, ondorio ekonomikoak izan daitezke, hots isunak ala diru itzultzeak.

Behatokiaren urteko txostenaren zenbakiak

2023an, Ipar Euskal Herriko eta Landesetako 103 herrien alokairuen bataz bestea 691 eurokoa izan da, 67mÀ‚'²-ko azalerarentzat. 2022. urteari konparatuz, prezioa 24 euroz hupatu da, hots 10,1 eta 10,4 euroren artean metro karratuka.