Herriz Herri - Irisarri (NB) | 2024ko Irailaren 05a

Pilota xapeldun - Udako lehiaketak

Xapeldun

Udako xapelgoetan, gure artekoek Eneko Etchevers eta Xan Bidart-ek, partidaz partida sasoin ederra eraman dute, bi xapela bai Euskal Herrikoa eta Frantziakoa eskuratuz. Aldi oro, Noizbait-eko Barnetche-Etchebarne plekariak garaituz! Lehen finalean, Zuraideko plaza laxoan, lapurtarrek asko, kasik sobera falta eginez, Eneko eta Xanek 30-16 eraman zuten. Bigarrenekoan, Milafrangako kantxan, nahiz emaitzan 30-13 irabazi, joko eta pundu ederragoak eskaini zauzkiguten lau pilotariek! Biba Eneko eta Xan, eskerrak ere Irisarri aldeko sustengatzaileeri, gazte ala xaharreri!

Udako lehiaketak

Hemen ere finalen eguna dugu ibiakoitz huntan buruilaren 7an, Irisarriko Herria trinketean (14:00) pala antxako 4 finalekin eta herriko plazan (15:00) esku huskako 3 finalekin! Ondotik, deneri eskainia zintzur bustitzea eta usaiako zikiroa Gure Doia trinketean. Oroer ongi etorri!

Euforiaren ondotik zer?

Peio Jorajuria

Uda bururatzen ari zaigu. Ohiko gertakariez aparte (herriko bestak, pastoralak, kabalkada eta bertze), kirolak kasik osoki beztitu duen uda, kirolzaleen loriarako, ez bada ere dena distiratsua izan. Futbolarien Eurokopa, txirrindularien Frantziako Itzulia, orain Espainiako Vuelta. Hemen berean, pilota errege Aste Handian, mendi lasterketak, ugaltzen ari direnak, eta estropadak itsasaldean. Eta artetik Parisko Olinpiar Jokoak. Garaipen eta malko, joko distirantak buruan buru, hasiz irekidurako zeremonia miresgarriarekin, Baionako Marc Aillet apezpikuari ez zaiona haatik batere gustatu, daukan zabaltasun eskasaren seinale, baina jakinik nolakoa den, nehor ez da hainbat harritu. Eta orain Parisko Paralinpiar Jokoen bete betean gaude. Ederrak eta hunkigarriak dira. “Inklusioaren iraultza” aldarrikatzen dute, desberdintasuna gehiago onar dezagun gure egunerokoan.

...

Irakurri segida

Gurekin harremanetan sar