Herriz Herri - Heleta (NB) | 2024ko Irailaren 05a

Besta ondo - Eskolak haste - Mezak

Besta ondo

Gertakari handirik gabe, uda mugimendutsua izan dugu. “Herria” oporretan zelarik iragan dira herriko bestak: lan ederra ereman dute gure gazteek, egun bakotxean egitaraua desberdina emanez, ahalaz adin guzietakoer eskainiz: dantza taldeak, muskuilu afaria, pilota partida Joko berrin, taloekin bururatzeraino kantaldi batekin elizan. 500 lagun muskuilutan, 700 kontzertuetan, 1.200 zikiroan, horrek erran nahi du Heletara jitea plazer duela jendeak, oro ontsa iragan dira. Biba eta eskerrak gure gazteer.

Eskolak haste

Udako mugimenduen ondotik horra sartzea (hitz hori erabiltzen da) pausa egunetarik lekora nork nun edo nola behar dutela berriz gazteek eskoletara, eta langileek lanera, bakoitza bere neurrian berriz bizimoldeari lotuz. Badira oporrik hartu ahal izan ez dutenik, guzieri kuraia on.

Mezak

Ibiakoitzean (18:00) Mehainen. Igandean (9:00) Heletan, (10:30) Armendaritzen.

Euforiaren ondotik zer?

Peio Jorajuria

Uda bururatzen ari zaigu. Ohiko gertakariez aparte (herriko bestak, pastoralak, kabalkada eta bertze), kirolak kasik osoki beztitu duen uda, kirolzaleen loriarako, ez bada ere dena distiratsua izan. Futbolarien Eurokopa, txirrindularien Frantziako Itzulia, orain Espainiako Vuelta. Hemen berean, pilota errege Aste Handian, mendi lasterketak, ugaltzen ari direnak, eta estropadak itsasaldean. Eta artetik Parisko Olinpiar Jokoak. Garaipen eta malko, joko distirantak buruan buru, hasiz irekidurako zeremonia miresgarriarekin, Baionako Marc Aillet apezpikuari ez zaiona haatik batere gustatu, daukan zabaltasun eskasaren seinale, baina jakinik nolakoa den, nehor ez da hainbat harritu. Eta orain Parisko Paralinpiar Jokoen bete betean gaude. Ederrak eta hunkigarriak dira. “Inklusioaren iraultza” aldarrikatzen dute, desberdintasuna gehiago onar dezagun gure egunerokoan.

...

Irakurri segida

Gurekin harremanetan sar