Mintzaldia

Azaroaren 23an larunbatez (15:00), mintzaldi-debatea iraganen da Beloken. "Laborantza krisia? Jendarte krisia? Zer aterabide geroari begira?" gaien inguruan eztabaidatuko da. Laborari gazte bat, Jean Michel Bortheirie Belokeko frailea eta Mikel Hiribarren Itsasuko auzapeza eta Euskal Elkargoko laborantza batzordeko kidea izanen dira parte hartzaileak. Sartzea urririk izanen da. Mintzaldi hau Belokeko frailetxeak eta Lapurdi Irratiak dute antolatzen.

3761. zbk

Gure Hitza | 2024/11/14

Hutsak errepikatuz

Ainhoa Etchenique

Bizian denek ditugu egun on eta txarrak. Denek ditugu pettoak egiten, batzu besteak baino larriagoak. Inportantena petto horietatik ikastea da, gauzak desberdinki egitea, aitzinera joan ahal izateko. Baina azken egunetako berriek frogatu didate denek ez dugula berdin funtzionatzen, amerikarrek 2016an egin huts bera errepikatzeko hautua egin baitute.

Harrigarria da zoin fite ahanzten diren gauzak. Donald Trump berriz ere bozkatua izan da, duela gutti arteko eskandaluak bazterrean utziz. Oroitarazteko, maiatzaren 29tik epaimahaia osatzen zuten hamabi newyorktarrek bi eguneko eztabaidaren ostean, Trump erruduntzat jo dute 34 kontabilitate dokumentu faltsutzea leporaturik, Stormy Daniels X filmetako aktoreari 130.000 dolarren truke haren isiltasuna erosirik, 2016ko hauteskundeak aitzin sexu eskandalua saihesteko asmoz.

Horrez gain, 2023an kondenatua izan da Jean Carroll idazlea bortxatu eta difamaturik....

Irakurri segida

Gurekin harremanetan sar