Hazkurri bankuen 40 urteak

Azaroaren 6an, Ipar Euskal Herriko Hazkurri Bankuak Frantziako Hazkurri Bankuen 40 urteak gogoratu ditu. Karia horretara, bere ateak ideki ditu Baionako Suprefetari, EHEko hautetsiei, Departamendu Kontseiluari, Eskualde Kontseiluari, Baionako barrutiko diputatuari, herriko auzapez eta hautetsi anitzei, sostengatzen duten enpresei eta urte osoan bere bazkide diren elkarteei. Egunean zehar boluntarioekin bisita komentatuak, MESAren aurkezpena, film proiekzioak, mozketa tailerren aurkezpena eta sukaldaritza tailerrak antolatu dira.

40 urte hauetan beharren emendatzea gertatu da, eta heldu den azaroaren 22, 23 eta 24ko Bilketa Nazionalean parte hartzeko deia zabaldu da, dohaintza eginez edota boluntario bilakatuz. Nahi duenak azaroaren 22, 23 edo 24an saltoki ateetan edo bereizketan parte har dezake, ba641@banquealimentaire.org mailara idatziz edo 05-59-55-05-00 zenbakira deituz.

Kontzertua

Azaroaren 15ean ostiralez (20:30), Iluma taldeak kontzertua emanen du La Luna Negra kafe antzokian. Sartzeak 6 eta 14 euroren artean kostako du. Xehetasunentzat: 05-59-25-78-05.

Aurkezpena

Azaroaren 16an larunbatez (15:30), "Euskal etxetik Euskal Museora À¢'€'" Baserri faltsu bat Errobi bazterrean" euskal etxearen arkitektura tradizionalaren aurkezpena iraganen da, Euskal Museoaren lehen aitzinaldea, 1924an ideki zelarik. Hitzordua Euskal Museoan emana da, orotara 45 minutu iraunen du. Urririk izanen da, aitzinetik izena emanez: 05-59-59-08-98.

Foroa

"Kultur arloan lan egin Akitania Berrian"foroaren karietara, azaroaren 18 eta 19an "Askatasuna(k), harremana(k) eta trantsizioa(k)" gaiaren inguruko hitzaldia antolatzen duEuskal Elkargoak. Arteen Hirian iraganen da. Informazio guziak entreprendreculture-nouvelleaquitaine.fr webgunean atzeman daitezke.