Herriz Herri - Biriatu (L) | 2024ko Azaroaren 14a
Arbolaren besta
Azaroaren 22 eta 23an ostiral eta larunbatez, arbolaren besta ospatuko da herri barnean. Ostiralean, bioaniztasunaz ari diren tokiko elkarteekin mahain ingurua eginen da (17:00), zintzur bustitzea (19:00) eta sagarraren inguruko mintzaldia (20:30). Biharamunean, "Nor dabil basoan?" familiendako jarduera (10:00), "Birakalore" gorputz-txotxongilo ibiltaria (11:00), saskigintza tailerra (12:00), "Boti au coeur de la nature" filma (12:00), pintura begetalen tailerra (14:00), arbolen zaindarien landart tailerra (15:30), landareen musika eta ipuinak (16:00) eta eguna bukatzeko ibilaldi botanikoa euskaraz (16:30). Euria eginen balu, aktibitateak Xoldon segurtatuko lirateke. Sartzea urririk izanen da.
