Herriz Herri - Banka (NB) | 2025eko Ekainaren 19a

Heriotze

Heriotze

Biga ukan ditugu aste bat barne. Lehena Sallaberry Jean, 91 urte zituen, gizon ixila eta langilea, bere bizia emana zuen Montanan 60 urtez, Goiti arrantxoan.

Bigarrena Vannesson Suzanne, 96 urte zituen. Gazterik etorri zen Ihintza sendalekurat, gaitzen artatzeko. Ondorioz, bere bizi guzia horrela egin du. Erizain biziki estimatua zen.

Dolumin bizienak eskaintzen dizkiegu hunkiak izan diren bi familieri.

Herriko bestak

Ekainaren 27tik 30era izanen dira.

Ekainaren 27an: afari herrikoia, Gau Bele taldeak alaiturik. Afaltzeko, izenak eman: 07-82-94-79-89.

Ekainaren 28an: mus lehiaketa ezkerparetan (10:00). Izenak eman: 07-82-94-79-89 ekainaren 24a aitzin. Izanen da jateko eta edateko.

Ekainaren 29an: Meza klikak alaiturik (10:30), kantaldia elizan (17:00). Ondotik, talo-zingar gaualdia ezkerparetan, Menditarrak-ek alaiturik.

Ekainaren 30ean: xaharren atsalaskaria Erregina ostatuan.

Aitzinetik besta on deneri.

Erresiñola udan da kantari

Peio Jorajuria

Udan sartuko gira, egutegiaren araberakoan bederen. Ekainaren 21a, Rodolforen besta eguna ekartzen dute erdal egutegiek. Germaniar izen misteriotsu horrek "otso" hitza dakar bere baitan (wholf). Guk nahiago ditugu euskal egutegiek dakartzaten Uda eta Udane izenak. Gureak ditugu. Udako solztizio eguna dugu gainera ekainaren 21 hori, urteko egun luzeena, ondorioz Jondoni Joaneko suak piztuko direla herri eta mendietan, udako argitasun berriaren seinale. Eta musikaren besta ere ospatuko da, uda giroan suharki sartzeko.

Hain zuzen, herriko bestak biderkatuko zaizkigu hemendik aitzina, festibalak halaber, lehen lehenik Euskal Herria Zuzenean (EHZ) Arberatze-Zilhekoan. Gazteek bereziki gogotik edaten dute iturri berri horietatik. Guk, adin zohituagokoek, ur freskoari uko egin gabe, iturriko ur zaharretik ere edatea maite dugu, ez nostalgiaz baina atsegin...

Irakurri segida

Gurekin harremanetan sar