Aitzin aroan jadanik solstizioa ospatzen zen gure lurraldeetan. Erritualak bezperan suarekin hasten ziren. Iluntzean suak piztu eta gainetik jauzi egiten zen formula bereziak erranez. Junes Casenavek zionaren arabera "Belagile zaharrak oro erra eta berriak ez kontserba". Naturak edo izadiak indar bereziak zituen egun horretan, "aparteko bertutia" suak, urak baita ere belarrek eta landareek.

Aurten ere, ekainaren 20an (18:00) Angeluko euskal elkarte guziak bilduko dira erritual horri bizi emateko. Angeluko haurrek sokadantza bereziarekin besta idekiko dute. Elkarteak eta eragileak elkartuko dira beren xedeen idazteko. Garra itsasbidez jinen zaigu eta hondartzan ohorezko hesi batez inguraturik erdigunera eramanen da. Erritualaren muinean sartuko gira orduan: kantu, dantza eta omenduen ohoratzea eta bistan dena bilduak izanen diren xedeen sura botatzea.

Jondoni Joaneko suei buruzko informazio panel bat ere izanen da.

Denak gomitatuak dira xedeen idaztera. Tokian berean mahai bat izanen da paper eta arkatzekin. Xede guziak betan sura eramanen dira.