Herriz Herri - Izturitze (NB) | 2025eko Ekainaren 19a
Arberoa eguna
Arberoa ikastolaren urteko besta, joan den astean aipatua, larunbat huntan iraganen da Izturitzen.
Goizean (11:00) herriko pilota plazan emanen den ikusgarria, Pelax kantari eta gitarra joile donostiarraren eta ikastolako ikasleen arteko topaketaren ondorioa da.
Pelaxek bere azken diskoaren etekinak Arberoa ikastolari utzi nahi dizkio.
Ikusgarri politaz gozatzearekin batean artistaren ezagutzeko eta eskertzeko parada izanen da.
Egun osoan izanen da ausagailu: musika, kantu, dantza bai eta ostatu, arratsaldean herri jokoak haurren artean Gaia elkartearekin, Harpealde trinketaren ondoko jostalekuan.
Bazkarian ez parte harturik ere, goiz edo arratsaldez jin daiteke, ez da eneatuko!
Arberoa ikastola laguntzeagatik aitzinetik eskerrak.
