Herriz Herri | 2023ko Irailaren 21a

Onetik gasnategia 9 aldiz sariztatua - Makea Oinez - Airetik pilota eskola

Onetik gasnategia 9 aldiz sariztatua

Munduko gasna onenaren lehiaketa aurten Tours hirian iragan da. 2013an sortu zenetik, gasna ekoizleak, banatzaileak... eta sukaldariak 2 urtetarik biltzen dira, munduko 48 herrialde ordezkatuak dira, 3.000 bisitari inguru eta 200 erakusketari presente dira.

Onetik gasnategiak 9 domina irabazi ditu. Hiru urrezko domina (ardi gasna eta ahuntz gasna), 4 zilarrezko (behi, ahuntz eta ardi) eta 2 brontzezko (ahuntz eta...

Herriz Herri | 2023ko Uztailaren 27a

Bestak iraganak

Joan den asteburuan iragan dira, giro ezin hobean. Osteguneko antzerkiak arrakasta gaitza bildu du, Mintegia gela zanpez betea zela. Peio Berterretxek idatzi eta taula-zuzendu dituen bi obra ikusgai ziren, jokalari gaztetxo paregabeek emanik. Ostiralean eta larunbatean ere jendea ezker paretara eta plazara hurbildu da. Larunbatean Italiatik etorri Talco musika taldeak gazteria hurbilarazi du, ikusgarri xoragarria emaiten zuela. Igandean herritarrak ohidura duten bezala plazara hurbildu dira,...

Herriz Herri | 2023ko Uztailaren 20a

Herriko bestak

Gure herrian ere beste anitzetan bezala, asteburu huntan bestak ospatuko ditugu. Gazteak etxez-etxe pasatu dira programa uzten zutela. Ez gira xehetasunetan sartuko. Gaur ostegunarekin antzerkia eta kantuak du besten abiatzea eginen, biharamunean zikiroak jendea bilduko duela. Larunbatean famatua den Talco taldea entzungai izanen da, gau osoan animazio desberdinak izanen dira. Igandean meza (10:30) Ganixtarrak klikak alaiturik eta arratsaldean Zuberotik etorri dantzariek eta kontzertuek...

Herriz Herri | 2023ko Uztailaren 13a

Herriko besten kari antzerkia

Aurten ere Jostakin antzerki gazte taldea ikusgarri baten prestatzen ari da, herriko besten abiatzeko uztailaren 20an, ostegunez, emana izanen da (20:30). Peio Berterretche herritar antzerkilari adituak "Hurrup eta pum" eta "Herri pollitena" idatzi ditu eta taula-zuzendaritza kudeatu du. Orotara 35 gaztek parte hartzen dute, denak ez dira makearrak, jokolariak Hazparne, Lekorne eta Heletakoak ere badira.

Aitzin Pantxix Bidart hazpandar kantari ezagunak, kantu...

Herriz Herri | 2023ko Maiatzaren 25a

Eskuz Esku elkartea laguntzaile bila

Makea-Lekorneko Eskuz Esku elkartea, 2017an sortu zen etorkinen sustengatzeko eta hemen integratzeko. Elkarteak egoitza bat segurtatzen die, beharrez janaria hornitzen eta administrazio urratsetan laguntza ekartzen. Bestalde ibiltzeko beharrorduan, laguntzaileek eramaiten dituzte.

Hots beren herria utzi behar ukan duten pertsona horiek, egoera dorpean bizi izanez, Eskuz-Esku elkarteak eginahalaz horien ongi-izaitea hobetzeko xedea du.

Elkarteak biltzar nagusia egin berri du,...

Herriz Herri | 2023ko Apirilaren 20a

Eskuz-eskuren biltzar nagusia

Eskuz-Esku elkarteak apirilaren 29an (10:00), Mindegia gelan, urteko biltzar nagusian parte hartzeko gomita zabaltzen du. Etorkinen laguntzeko sortu elkarteak, egiten ari denaren berri emanen du, komisio desberdinek egin lana aurkeztua izanen da.

Elkarteko kide saria 10€koa da. Biltzar nagusian bozkatzeko kidetza hartua izan behar da. Ezin duenak etorri bozkatzeko ahalmena beste bati emaiten ahal du.