Euskal kantua À¢'€'" Bi urtez geldian egon ondoan, pandemiagatik, joan den astean berriz hasi dira kantu errepikak, Arrume gelan, dozena bat lagunen artean, Erramun Inçaurgaratek musikaz lagundurik. Kantuz aritzeko plazer hutsarentzat, oren bat eta erdiz nunbaitan. Interesatuak diren guzieri idekia da. Ostiral arratsetan iragaiten da (20:00), hamabostetarik. Ondoko errepikaldia, otsailaren 11n.

Aire Zabal-en biltzar nagusia À¢'€'" Otsailaren 5ean, larunbat arratsaldean (15:00), iraganen da Aire Zabal aterpetxearen biltzar nagusia, bere gelan. Borondate oneko herritar guziak gonbidatuak dira biltzar hortara, usaiakoak eta usaiaz kanpokoak ere, interesatuak diren ber. Ohi den bezala, ahamen batekin bururatuko da biltzarra.

Libertimendua À¢'€'" Usaiaz kanpoko gertakaria iraganen da heldu den igandean, otsailaren 6an, gure herrian. "Baigurako libertimendua", zortzi herritako gaztek muntatua (Lekorne, Makea, Luhuso, Bidarrai, Arrosa, Ortzaize, Irisarri eta Suhuskune). Huna egitaraua: plazan 10:00 desfilea, 10:30 libertimendua (dantza, antzerki eta bertsu), trinketean 13:00 bazkaria ikastolak antolaturik, 20€tan. Menua: kuia salda, xerri ttipi errakia, lursagarra "dauphinois" moduan, ardi gasna, bixkotxa, kafea eta ondokoa. Izenak eman behar dira otsailaren 4a aitzin, deituz David 06-82-15-65-14.

Aro txarra balitz, libertimendua eta bazkaria Makean eginen dira.