Heriotze - Iragan larunbatean ikasi dugu Beñat Garat gure herritarraren heriotza. 66 urte zituen eta Panekau auzo huntan bizi zen. Ehorzketa elizkizuna iragan da Kanboko elizan joan den astelehen goizean. Familiari gure doluminak helarazten dizkiogu astekari hunen bidez.

Leire Iribarne

Ez dezakegu aipatu gabe utzi Euskal Herri osoa doluan emaiten duen Leire Iribarne gaztearen heriotza. Engoitik itsasuarrek badakite Olhako Denise dela istripu izigarri hortan bizia galdu duenaren ama. Lasan bizi da familia eta Jeanne bera (92 urte) han erretiratua da zonbait urte hautan. Hain gogorki joa den familiari herri osoaren hurbiltasuna eta doluminak adierazi nahi dizkiogu bihotz bihotzez astekari hunen bidez.

Mus txapelketa

Txistulari ostatuan Frantziako mus txapelketa otsailaren 17an hasiko da. Izenak oraindanik eman behar dira 05-59-29-75-09 deituz. Suerte on deneri!