Otsaileko oporrak

Heldu dira, eta aldi oroz bezala, buraso askorentzat haurren zaintzearen apailatzeko garaia da. Herriko Josta Lekuak eskaintzen du zaindegia, haurrak aktibitate askoren inguruan abusatzeko, otsailaren 14tik 25era. Hortarako izena eman behar da: hazpandarrentzat otsailaren 7a arte (lehentasuna badute) eta gero tokien arabera, auzo herrietakoak: 7tik 10a arte. Horren egiteko gune huntara joan behar da eta familien atarian sartu www.ville-hasparren.fr.

CAF egitura

CAF-ak bere hitzorduak berriz abiatuko ditu, Elgar Zentroan hamabostetarik, asteazkenetan, otsailaren 2an hasiz. Bakotxa joan daiteke horrat bere arranguren aipatzera, norbaitekin zuzenki mintzatzera. Hortako hitzordua hartu behar da 3230 zenbakia deituz edo CAF-aren webgunetik pasatuz.

Ate idekiak

Otsailaren 5ean, larunbat goizean (09:00-13:00) eskola katoliko sail osoak bere ateak idekitzen ditu: Santa Terexa eskolak (ama eskola eta lehen maila), Ursuya kolegioak, San Josepe lizeo teknikoak eta Armand David laborantxako lizeoak. Gune bakotxean aurkitzen ahalko dira erakasle eta ikasleak, eskola horietan egiten denaren aipatzeko eta heldu den ikasturteko izenaren emaiteko.

Saltegi berriak karrikan

Biga dira azken egun hauetan zabaldu diren saltegiak.

Lehenik "DS Monika" deitua, Francis Jammes karrikan, markako krema eta artatzekoak saltzen dira gizon eta emazteentzat. Badira ere edergailuak.

Bigarrenik "Cristal'ame" deitzen dena, Urtsuia karrikan,han berriz harri bereziak, kristalak, intsentsuak... hots norberari on egiteko eta lasaitasuna ekartzeko gaiak. Edergailuak aurkituko dira hor ere.

Hara herriari bizitasuna ekar lezaketeen beste bi denda.