Berriki aurkeztua izan den Frantziako Tourraren 2023ko edizioak egonaldi frango luzea eginen du Euskal Herrian. Uztailaren lehenean Bilbotik abiatuko da eta lehen etaparen helmuga Bilbon ukanen du, Bizkaiko bideak zeharkatu ondoan.Bigarren etapa Gasteizetik aterako da Donostiara heltzeko. Hirugarrenean Zornotzatik aterako da Irunen gaindi Iparraldera pasatzeko eta Baionan aipatzen da izanen duela helmuga.

Nahiz eta Covid-19aren pandemiak panorama ilundu, Hegoaldeko ekonomiak azken finean egoera baikorra bizi ukan du. Biztanleria aktiboaren inkestaren arabera, ekonomiak 45.500 lanpostu sortu ditu: 36.900 Autonomia Erkidegoan eta 9.000 Nafarroan. Ondorioz, iragan astean, langabezia gutitu da.

Espainiako Auzitegi Nazionalak berretsi du Kalera-info aldizkariaren hestea, bidenabar Kalerakalera.eus webgunea ere zerratuz. Bi argitalpenek terrorismoa goratzen dutela dio auzitegiak, hesteko erabakiaren argudiatzeko

Hegoaldean ere inflazioaren berpizteak, erosteko ahalmena murriztuz, langileen kexa eta mobilizazioak piztu ditu: Gipuzkoako metalgintzako langileek soldataren %6,5eko emendatzea lortu dute. Halaber Bizkaianemendatze bera lortu dute eraikuntzako langileek.Aldiz Mercedes enpresak langileei, soldaten %10a gutitzea proposatu die hornidura eskasa eta lehengaien garestitzea argudiatuz. Langileek atzera bota dute proposamena.

Podemos, ERC eta EH Bilduk egin galderari Pedro Sanchez lehen ministroa erantzuteko prest agertu da, diputatuen kongresuan. Eliza katolikoak adingabeei egin sexu erasoak ikertzeko batzordea sortzea galdatu diote. Sozialistak alde agertzen badira, ikerketa batzordea osatuko dute diputatuen kongresuan.

Lan erreformaren lege berria bozkatu beharra du Madrilen legebiltzarrak. Bainan bereziki sindikatua gehienen aldetik kritika zorrotzak jasan ditu, halaber EH Bildu ala Podemosengandik. ELA, LAB, STEILAS, HIRU, sindikatu abertzaleen hitzetan aitzineko legek nagusiei aldebakarreko gaitasunak eman zizkieten, kanporatzeak, prekarietatea, malgutasuna eta mugikortasuna inposatzeko, lege berriak ez lituzke ezabatuko. Manifestazio jendetsuak asteburuan lau hiriburuetan egin dira, otsailaren 2ko ere sindikatuek mobilizazioak deituak zituzten.

Joan den udan, Lekarotzen, Aroztegiko Jauregia proiektuaren gelditzeko kanpaldiak egin zituztenen artean, 6 lagun auzitegira deituak izan dira: lanak trabatzea eta tresneria kaltetzea leporatuz. Proiektuak 228 egoitza eta luxuzko hotel baten eraikitzea ikusten du. Lanak hasi zirenean, hamarnaka gazte bildu lanak geldiarazteko. Jende multzoa bildu da 6 gazteei sostengua adierazteko, "herri baten borondatea ezin da epaitu"lelo-pean.

Amaiurreko herriak aurten ospatuko du Gazteluaren suntsitzearen 500. urteburua. 1512 eta 1522 urteen artean espainiarrek setiatu zuten eta beren esku erori zelarik erabat suntsitu. Amaiuren izan zenNafarroako Erreinuaren hegoaldeko azken burruka. 2004an hasi ziren lehen ikerketak eta Gazteluaren aztarnak aurkitzeko lanak. 16 urteko lanaren ondorioa, Gazteluaren aztarnak berriz aurkitu eta erreberrituak izan dira. Jaz 40.000 lagunek bisitatu zuten gunea. Herriko Etxeak eta Gaztelu Elkarteak museo arkeologiko baten eraikuntza abiatua dute eta Agerrea etxea erosiz, museoa zabaldu nahi dute. Lan eta asmo horiek eskertzeko aurtengo Sabino kultur saria Gaztelu Elkarteari emana izan zaio.

Gutieneko diru sarreran eskumena Jaurlaritzaren esku utziko duela berretsi du Madrilgo gobernuak, bi gobernuen arteko harremanak arras onak direla gehituz. Duela guti Urkullu lehendakariak saminki salatua zuen, eskumenen transferentziari buruz, Madrilek erantzun gogorra egiten zuela.

Donostiako udalak plaka ezarri du, ETAk 1977an hil zuen Eugenio Olacireguiren omenez. Dagoeneko plaka honekin, 20 dira ETAren eta bestelako indarkeria politikoen biktimei eremu publikoan ikusgarritasuna emana izan zaiena. Eugenio Olaciregui Borda, 39 urteko bizikleta saltzailea, ETAk tiro batez hil zuen lanera zoala, "salataria" izateaz akusatu eta, Valentin Lasarte ETAko kidea arrastatzeko informatzea emaiteaz. Bainan gero agertu zen akusazioa ez zela egiaztatua eta gezurra zela.

"Zuhurtziagatik" neurri murriztatzaileak zabaltzearen alde agertu dira EAJ eta PSE, zeren pandemiak behera egin badu, adituen batzordeak gaur indarrean diren neurriekin segitzea gomendatzen du. Nahiz eta "bide onetik goazela"dioten, 6. olatua kontrolatu beharra dagoela horrela diote. Otsailaren 13 arte jarraitzea aholkatzen dute.