Beti Gazte elkartearen bulegoa urte guziz bezala bildu da, Denen Etxean duen gelan. 2022ko urteko manifestazioak nola antolatu aipatu dute. Badu 2 urte ez dituztela behar den bezala egin, pandemiarengatik, bainan aurten espero dute egitea usaiako elkarraratzeak. Horretako datak finkatu dituzte: biltzar nagusia bazkariarekin apirilaren 2an larunbatez, Lur Berri gelan, 2. gertakaria errearoaren 25ean eta 3.a hazilaren 5ean beti larunbatarekin. Non egin ikusi beharko da. Bertzalde Azkaingo Abesbatzak bi kantaldi elkartearentzat emanen ditu, asteazkenetan (21:00) Sarako elizan, uztailaren 6an eta abuztuaren 31n.

Horra kafe baten aitzinean zer gogoetak eraman dituzten. Agian suerte ona ukanen dute.

Pilota trinketean - Buruz buruka 3. maila: Iribarren Unai irabazle 40-11 Eskulariren kontra, Haroçarene Olivier irabazle 40-05 Uhaldearen kontra, Lecuona Aritz irabazle 40-03 Urruñarrak-en kontra. 4. maila: Elizalde Lauran irabazle 40-25 Lau Herriren kontra eta Iribarren Oihan galtzaile 40-16 Lau Herriren kontra. Artekoak: Mariluz Julen irabazle 40-27 Oztibartarrak-en kontra, Iriarte Eñaut irabazle 40-13 Abarratiaren kontra, Iribarren Oihan irabazle 40-21 Abarratiaren kontra. Pasaka: Etchegaray Patrick-Perry Nicolas irabazle 13-04 Urruñarrak-en kontra,Errugbia: Arrasaten Sarak galdu du 03-30 Arrasateko taldearen kontra.