Herriz Herri - Lasa (NB) | 2022ko Otsailaren 03a
Leire Iribarne heriotza
Heriotza
Joan den larunbatean herrian eta haratago Euskal Herri osoan, Leire Iribarneren heriotzaren berria hedatu delarik, bazterrak inarrosi ditu. Auto istripu batean 24 urtetan hil da. Musikari eta kantari trebea, 6 urtetan musika jotzen hasi zen, ikasketak ere bide hortarik egiten zituela. Talde desberdinetan parte hartzen zuen, besteak beste Kontsumo Orkestran eta Diabolo Kiwitaldeetan. Azken talde hunek, azaroan, "Uhin galduak" azken diskoa plazaratu zuen. 2020ko Herri Urrats kari, Diabolo Kiwi taldearekin, "Gaki ge" bideo klipean parte hartu zuen.
Hau idazterakoan ez zen oraino ehorzketak noiz iraganen diren agertua.
Penetan gelditzen diren Denise eta Markox aitameri, Maia ahizpari, Iribarne eta Olhagaray familieri eta gazte laguneri, gure atxikimendua astekari hunen bidez adierazi nahi diegu, bihotz bihotzez agurrik beroenak.











