Pilotan bi pare xapeldun

Oztibartarrak pilota elkarteak trinketeko xapelgoak ederki bururatu ditu, gaztetan bi pare xapeldun atera baitzaizkio.

Lehenik, Frantziako xapelgoan, artekoak mailan Benjamin Gachen eta Battitt Ayçaguer 40-33 nagusitu dira Mauleko xuberotarreri, partida eder eta aski tinko baten ondotik. Oxkaxeko lepoaren bi aldetako auzoak dira hor borrokatu eta segurenik ondoko hilabete eta urtetan berriz ere horien ikusteko plazera ukanen dugu. Gero, Iparraldeko pilota batzordean, gazteen finaletan kimuak mailan, Peio Othart eta Ibai Etcheverry-Bortheiry 40-17 nagusitu dira Ezpeletako Ñapurrak-eko jokolarieri. Plazer dugu ikustea Oztibartarrak elkarteak ondoko xapelgoetan ere ondorio onen esperantza izaiten ahal duela.

Beraz goresmenak gure xapelduneri eta agur bat galtzaileeri, merezimendua dute horiek ere hein hortara heldurik.

Eskerrak Guillaume eta Peio trebatzaileeri baita Stephane lehendakariari.

Omenaldia

Urtarrilaren 23an Larzabalen egun berezia ukan dugu. Meza emana izan da gogoratuz duela ehun urte herritar bat Txinara misionest joan zela, hau zelarik Pierre Erdozaincy-Etchart, Etxarteko semea. Duela bi aste, hemendik beretik, haren bizia kondatua izan zauku.

Zinez oroimen egun horrek ekarri dauku orori jakitate, galde eta gogoeta, zeren ez baitziren bakarrik erlisione mailan ari, bainan sozialean ere misionestek leku pobre horietan anitz lan egiten baitzuten.

Errespeturekin agurtzen ditugu.