Odol emaitea astelehenean eta asteartean

Odol zentroak jakinarazten du odol bilketa antolatuko duela heldu den maiatzaren 26an eta 27an, Denen Etxean. 26an, astelehen goizez (8:00-11:30) eta 27an astearte arratsaldez (15:00-19:00).Odolaren behar gorritan baitaude eritegi eta ospitaleak, ongietorri deneri!

Gozategia ostatua berriz idekia, Jérôme Alfaro kudeatzaile berriarekin

Azken asteetan hetsirik zen herri erdiko ostatuak azkenean bere ateak ideki ditu, joan den asteartean hain xuxen. Ostatuaren kudeatzaile berria, Jérôme Alfaro da, bastidarra, Bastidako trinketeko ostatuko nagusia. Berak dionaz, lan tresna eder hau dinamizatu nahi luke, klienteak edo bezeroak asko izanen direla esperantza ukanez.

Jatetxea egun guziz idekia da, salbu astelehenetan. Egunero langile menua (lehen platera, jaki nagusia, deserta eta kafea) 16,50€-tan proposatua da, asteartetik ortziralera. Bestalde menu bat kartan eskainiko da ortzegunetik igandera, eta igande arratsetan aitzinetik erreserbatuz.

Bi ordutegi mota proposatzen ditu kudeatzaileak: astearte eta asteazkenetan (8:00-17:00), eta ortzegunetan, ortziraletan, eta larunbatetan. Igandetan (8:00-17:00) eta igande arratsetan, aitzinetik erreserbatuz, 17:00ak aitzin.

Ostatuarekin harremanetan sartzeko, telefonoz (06-18-40-53-55) edo e-postaz egin ditaike (alf.jeje@gmail.com). Ongietorri ostaler berriari!

LAUAK enpresak 50 urte

LAUAK enpresa duela 50 urte sortu zen, 1975ean, oraiko tokitik hurbil. Urtebetetze hau manera berezi batez ospatu nahiz, ateak publiko zabalari irekiko ditu, ostiral arratsaldean (13:00-17:00) eta larunbatean, goizarekin (8:30-12:00), eta arratsaldez (13:00-18:00).

50 urte dituela eta, urtemuga hori elkarrekin ospatzeko, LAUAK enpresak bere lantegiaren hobeki ezagutzera gomitatzen gaitu, bere aktibitatea, lanbideak eta jakintza.

Herriko bestak hurbiltzen ari

Herriko bestak hurbiltzen ari zauzkigu, ekainaren 13tik 16ra iraganen baitira. Berrikuntzen aldetik, ortzirale arratsean "txarang gaua" izanen da (20:30), igande arratsaldean kantaldia Kalakan taldearekin, birla txapelketa astelehen goizarekin plaza ondoko Antzuola jostagunean, eta ondotik bazkaria ihiztarien elkarteak prestaturik. Xehetasun gehiago ondoko asteetan.

Anartean, besta komiteko gazteek abisatzen gaituzte etxez etxe ibiltzen hasiko direla, laguntza galdez, denetan ongietorri ona ukaitea espero dute. Hala izan bedi!