Sentsibilizazio hamabostaldia

Bi astez, Ziburu, Hendaia, Urruña eta Donibane Lohizuneko Herriko Etxeek euskararen aldeko sentsibilizazioa antolatzen dute. Donibane Lohizunen 2 hitzordu iragatekoak dira, biak martxoaren 19an: (14:30) seme-alabak euskaraz irakurtzen laguntzeko tailerra mediatekan eta “Zertarako balio du euskaraz mintzatzeak” Michel Feltin-Palasen mintzaldia portuko erretegian (18:00).

Tanka gelako hitzorduak

Martxoaren 15ean (20:00), Mendelssohn konpositorearen "Ecossaise" hirugarren sinfoniak, publikoari musika hunen idazkera argitsu eta finaren barnean murgiltzeko aukera emanen dio. Nicolas Baldeyrou klarinetista frantsesak berriz landurik, bertsio honek operako aire ospetsuak partizio tekniko batekin uztartzen ditu. Benjamin Levyren zuzendaritzapean, orkestrak konpositore handiak omentzen ditu. Ipar Euskal Herriko Orkestrak proposatzen du. Tokiak 10,99 eta 20,99 euroren artean kostako du. Xehetasunentzat edota tokiak atxikitzeko:www.ospb.eus edo 05-59-31-21-78.

Bestalde, martxoaren 16an (17:00), Donibaneko Haizeak, Cuivres en Pays Basqueelkarteari atxikia den musika orkestra amateurrak kontzertua emanen du urririk.