Emanaldi musikatua

Martxoaren 15ean (19:00), “Manttalingo alaba” poema liburuan oinarritutako emanaldi musikatua ikusteko parada izanen da Baltsanen. Euskaraz izanen da eta tokiak 10 euro kostako du. Xehetasunentzat: 06-33-30-27-85.

Kontzertuak

Martxoaren 16an (16:00), Xabaltx eta Foisis taldeek kontzertua eskainiko dute Zokoako kiroldegian. Urruñako ikastola eta Ziburuko Piarres Larzabal kolegioaren alde, sartzeak 12 eta 15 euroren artean kostako du.

Sentsibilizazio hamabostaldia

Martxoaren 15etik 30era, Hendaia, Ziburu, Urruña eta Donibane Lohizuneko Herriko Etxeek euskararen aldeko sentsibilizazio hamabostaldia antolatzen dute. Mintzaldiak, tailerrak, formakuntzak eta ikusgarriak antolatuko dira, buraso profesional eta publiko zabalari idekiak. Huna Ziburuko hitzorduak:

- Martxoaren 15a (10:00): burasoendako euskara deskubrimendu tailerra Plazararekin, Marinela eskolan.

- Martxoaren 25a (18:00): mintzaldia mediatekan, Xan Aire eta Elorri Garatekin, euskara gehiago erabiltzen ez duten nerabeen inguruan.

- Martxoaren 27a (18:00): mintzaldia Philippe Blanchetekin, “zergatik eta nola transmititu euskara bezalako hizkuntzak” gaiaren inguruan, Errekoletoaken.