Hitzaldia

Maiatzaren 22an (18:00), Jacques Saldubeherek "Euskal pilota zaindu, ohituretan atxiki edo gaurkotasunaren alde zuzendu?" gaiaren inguruko mintzaldia eskainiko du. Euskal Museoan iraganen da eta frantsesez. Xehetasunentzat: 05-59-59-08-98.

Kontzertua

Maiatzaren 22an (21:00), Anje Duhaldek kontzertua akustikoan eskainiko du, ondotik La Fulanaren aldi izanen da. Kalostrapen iraganen da.

Hitzaldia

Maiatzaren 23an (15:00), Juris Institutuko (Tolosako Kanpusa) Alexandre Minda erakaslearen frantsesezko mintzaldia iraganen da Bilkuren herriko zentroan. Gaia "Euskal koloreak: jatorria, berezitasunak eta sinbolikak" izanen da. Harremanentzat: 05-59-59-81-20.

Ikastola kexu

2024/2025 ikasturtea burutzen ari da eta Hezkuntza Ministeritzak Seaskari ez dio oraino adierazi zenbat postu ukanen dituen sartzean. Hori dela eta, maiatzaren 23an ostiral arratsaldez (17:00), Baionako karriketan ikastolen 3. danborrada iraganen da. Egun horretan, irakasle postu eta "mespretxu gutiago" aldarrikatuko direla adierazia du Seaskak. Mobilizazio horretan parte hartzeko deia luzatua izan da.

"Euskaraokea"

Maiatzaren 24an (11:30), "euskaraokea" euskarazko karaokea iraganen da Biltxokon. Euskaraldiaren karietara antolatua da.

Etxepareko ikasleen elgarretaratzea

Maiatzaren 15ean, Bernat Etxepare lizeo aitzinean hamarnaka ikaslek elgarretaratzea antolatu zuten. Ikasleek aurten ere azterketak euskaraz pasatzea ezin izanen dute, salatu dute botere publikoek ez dituztela oraindik eskatu zitzaizkien euskararen aldeko jauziak egin. Pairatzen duten egoera bidegabea salatzea eta botere publikoei behingoz euskararen aldeko jauziak egitea eskatu dute.