Heriotze

Jean-Pierre Petrissans urte luzeetan Amerikan egona zendu berri da Ortzaizen. Sortzez Izturitzekoa zen, Sokobia Etxezaharreko 11 haurideetarik zortzigarrena. 1963an, 20 bat urtetan joan zen Amerikarat. Mutikoerne eta alegeraren oroitzapena utzi zuen. Badakigu bizia untsa betea ereman duela, lehenik artzain, ondotik baratzezaingoan, motel baten jabe izan arte eta bururatzeko laborari behiekin.

Espos lagunaren galtzeko nahigabea ukan zuen eta 2023an etorri zen Euskal Herrirat. Arrosa herrian segitua den Sylvie alabari hurbildurik, Ortzaizen alaba ttipiaren etxean bizi zen.

Euskal Herriari atxikia zen eta bereziki pilota biziki maite zuen. Zorigaitzez aurtengo berezkoen finala Moderne trinketean ez zuen ikusi, abian zelarik bihotzak huts eginik.

Haren alabari, bi semeeri, bai eta Gracy, Anemari, Antoinette eta Emile haurrideeri eta hauen segida guziari goraintzi beroenak eskaintzen dizkiegu.

Maiatzaren 8ko Herrian, 16.orrialdeko "Euskal Diaspora" Joseba Etxarriren artikuluan ikus daiteke argazki ederra:Jean-Pierre Petrissans "Panpale" bere alaba eta semeen erdian.

Mia eta mintza tailerrak

Euskararen ezagutza barnatzeko eta mintzatzen trebatzeko 7. lantegiamaiatzaren 24an larunbatez (9:00-11:30) Izturitzeko Artetxen iraganen da. Gaia: Erlatibozko perpausaren ahozko lanketa eta trebaketa.

Xehetasunak eta izen emaitea: Gexane Oyharzabal 06-45-53-79-41, solasokoan@gmail.com.