Marienea: makilen zina

Joan den larunbatean ELB, Lurzaindia eta Ostiak antolatu mobilizazio egunera 500 bat pertsona hurbildu dira. Ekitaldia hasi da Ellande Alfaro bertsulariarekin, ondotik kolektibo desberdinek beren borroken berri eman dute. Antolatzaileek hitza hartu dute, oroitaraziz 1972an Larzac-en laborariek eraman zuten borroka beren etxaldeen zaintzeko "makilen zina" deitu ageria sinatu zutela. Marieneko proiektuaren kontra direnek zioten: "Gu ere ekintzetara pasako gira, gure makilak Marieneko pentzean landatuz, hau ere diru eta betoi gosez mehatxatua baita. Zin egiten dugu lur hau betiko zainduko dugula, promotoreek sekula hor obrak hasi nahi badituzte, eta landatuko dugula bere balio hazkurri emailea emendatzeko".

Bazkaldu eta, barazki desberdinak ereinak izan dira, frogatuz Marieneko lurrak laborantzarako gelditu behar direla.

Ellande Alfaroren bertsuak

Izaki oro gara

Amalurrarenak

Gizakiekin datoz krisi

Ta problemak

Lurra ditu iturri

Egin nahi dutenak

Botere diruzale

Ai ai ai ai konpostara denak!

Amalurrari nola

Betonak eraso

Lur zaintzaileak gara

Lau aldera so

Jauntto horien ametsa

Bihurtzeko lauso

Estaliko ditugu

Ai ai ai ai behar da landu!

Lagunak Lekarosen

Atxiki begia

Makro proiektu bat da

Ta arrotzegia

Lanabesak lantzeko

Ai ai ai ai da Aroztegia!

Laia aitzur aihotza

Sarde badenean

Har ditzagun eskutan

Hire ta enean

Borroken baratzea

Den Marienean

Irabaziko dugu

Ai ai ai ai giro ederrenean!