Bizikleta-asteburua

Maiatzaren 30 eta 31n, Foch plaza bizikleten besta-gune bihurtuko da, denentzat eta dohainik.

Bi egunez, bizikleta-ibilbide bat izanen da eskuragarri. Programan: oreka, eslaloma eta larrialdiko frenatze-ariketak, trebetasuna probatzeko.

Egitarauan, maiatzaren 30ean, larunbatez: jokoak eta animazioak Recycl'arte elkartearekin, eta Zikl’orientazioa kirolzaleentzat. Izena ematea beharrezkoa zen maiatzaren 23a baino lehen: olivier.raconnat@saintjeandeluz.fr/05-59-85-20-40.

Maiatzaren 31n, igandez: bizikleta-konponketa tailerra eta laguntza elektrikoko bizikleten erakusketa, Bizikleta tailerrarekin. Hiri-bizikletak, mendi-bizikletak eta karga-bizikletak probatzeko bertan, eta adituak ondoan egonen dira aholkuen emateko.

Berote handien kontrako plana

65 urte baino gehiago dituztenentzat, desgaitasun egoera batean edo bakarrik bizi direnentzat, Donibane Lohizuneko GEUZak herriko erregistroan izena emateko aukera ematen du, pertsona horien segipena bermatzeko uda osoan. Inprimakia GEUZeko harreran har daitezke (Augustin Chaho karrika, 1), 05-59-51-61-40 telefonora deituz edo hiriko webgunean. Izen ematea urririk da eta konfidentziala.